News
Լրահոս
News
Երեքշաբթի
Մայիս 21
Տեսնել լրահոսը

Հայաստանի համար ԵՄ-ի հետ համագործակցությունը մեծ հեռանկարներ է ընձեռում: Այս մասին NEWS.am-ի հետ զրույցում ասաց Հայաստանում ԵՄ պատվիրակության համագործակցության բաժնի ղեկավար Հոա Բին Աջեմյանը:

Այս ամիս լրանում է Հայաստանի նոր կառավարության պաշտոնավարման 100 օրը: ԵՄ-ի հետ Հայաստանի կնքած Համապարփակ եւ ընդլայնված գործընկերության մասին համաձայնագրի (ՀԸԳՀ) համաձայն՝ Հայաստանը պետք է ժողովրդավարական բարեփոխումներ իրականացնի եւ, Աջեմյանի կարծիքով, ԵՄ-ի հետ համագործակցությունն ամրապնդվել է:

«Կարծում եմ՝ ԵՄ-ի հետ համագործակցությունն ամրապնդվել է: Մեծ հեռանկարներ կան համագործակցության համար եւ հիմա, երբ դեռ համաձայնագիրն իրագործված չէ, չբացահայտված մեծ ներուժ կա: Հնարավորությունները շատ են, սակայն մեծ աշխատանք պետք է տարվի: Կառավարությունը պետք է կոնկրետ քայլեր ձեռնարկի՝ կոռուպցիայի դեմ պայքարելու, ինչպես նաեւ դատական համակարգը բարելավելու համար: Բայց դա երկար գործընթաց է, եւ ԵՄ-ն պատրաստ է աջակցել նոր կառավարությանը բարեփոխումների իրականացման հարցում»,- ասաց նա:

Հայաստանի եւ ԵՄ-ի միջեւ համագործակցության ամրապնդման մարտահրավերների մասին հարցին Աջեմյանը պատասխանել է, որ ԵՄ-ն պատրաստ է Հայաստանի օգնել՝ կախված Հայաստանի՝ բարեփոխումներ իրականացնելու ցանկությունից եւ կարողությունից:

Նա նշեց, որ համաձայնագիրը հարաբերությունները խորացնելու համար բազմաթիվ ուղղություններով ճանապարհ հարթեց: «Կարծում եմ՝ամեն ինչ կախված է բարեփոխումներ անցկացնելու՝ Հայաստանի ցանկությունից եւ կարողությունից: Ամեն հնարավոր բան կարելի է անել, Հայաստանը կարող է ԵՄ-ին հնարավորինս մոտենալ՝ կախված Հայաստանի քաղաքացու որոշումից: Այդ հարցում մենք պատրաստ ենք աջակցել: Մենք կաջակցենք բնապահպանության, տրանսպորտի, էներգետիկայի եւ այլ ոլորտներում: Ավելի սերտ համագործակցության համար ԵՄ-ի աջակցությունը մեծ է: Որոշ ոլորտներում համագործակցելու հնարավորությունը սահմանափակ է, քանի որ Հայաստանը որոշում է կայացրել ինտեգրվել այլ կառույցի, եւ դա շատ հասկանալի է: Դա Հայաստանի ինքնիշխան իրավունքն է: Ես կասեի, որ բազմաթիվ հնարավորություններ կան, եւ մենք պատրաստ ենք աջակցել»,- ասաց Աջեմյանը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Մեզ ասում են՝ կան երկրներ, որ չարաշահում եմ ԵՄ-ի հետ վիզաների ազատական ռեժիմը, բայց դա բավարար փաստարկ չէ. ԱԳ նախարար
Մեզ համար սա յուրաքանչյուր պահի հարց է…
Վստահ եմ, որ ԵՄ-ն ունի հետեւողականությունը պահպանելու սկզբունքներ. Մնացականյանը՝ ԵՄ-Ադրբեջան համաձայնագրի մասին
Հարցին, թե ծանո՞թ է, արդյոք Եվրամիությունը եւ Ադրբեջանը բառընտրության առումով իրենց հայտարարությունները...
Նիկոլ Փաշինյանի գլխավորած պատվիրակությունը ժամանել է Ստրասբուրգ
Հանդես կգա ելույթով եւ կպատասխանի պատգամավորների հարցերին...
«Փաստ». Սվիտալսկին պայթեցրեց հերթական փուչիկը
ԵՄ-ՀՀ համաձայնագրի իրականացումը դեռեւս չի մեկնարկել...
«168 ժամ». Բրյուսելյան հիասթափություն. եվրոպացիների հորդորով գաղափարի իրականացումը սառեցվել է
Ըստ էության սա հերթական ապացույցներից մեկն էր, որ ոչ միայն կոնկրետ օրակարգ...
ԵՄ-ն ծրագրում է Brexit-ից հետո Լոնդոնում դեսպանությունը փոխել պատվիրակությամբ
Շոտլանդիայում եւ Ուելսում ԵՄ ներկայացուցչությունները, հավանաբար, կփակվեն․․․