News
Լրահոս
News
Երեքշաբթի
Նոյեմբեր 13
Տեսնել լրահոսը

Հյուսիսային Կորեայի իշխանությունները համաձայնել են թույլ տալ Միջազգային քաղաքացիական ավիացիայի կազմակերպության (ICAO) անձնակազմի մուտքը՝ քաղաքացիական օդանավերի թռիչքների անվտանգությունը հաստատելու նպատակով տեղում ստուգումներ անցկացնելու համար, հաղորդում է «ՌԻԱ Նովոստի»-ն՝ վկայակոչելով Kyodo գործակալությունը:

ICAO-ում աղբյուրի համաձայն՝ փորձագետները կարող են այցելել Հյուսիսային Կորեա արդեն հաջորդ տարի: Ենթադրվում է, որ մասնագետները կայցելեն այն վայրերը, որտեղից իրականացվել են հյուսիսկորեական բալիստիկ հրթիռների արձակումները:

Մայիսին Հյուսիսային Կորեան հավաստիացրել էր ICAO-ի ներկայացուցիչներին, որ չի պատրաստվում քաղաքացիական ավիացիայի համար վտանգ ներկայացնող քայլեր ձեռնարկել՝ առանց տարածաշրջանի այլ երկրների նախնական տեղեկացման:

Ավիաընկերությունները խուսափում են ուղիղ չվերթներ իրականացնել Հյուսիսային Կորեայի օդային տարածքով՝ հրթիռների հանկարծակի արձակման վտանգի պատճառով, այն բանից հետո, երբ 2014 թվականին Ուկրաինայի երկնքում  խոցվել էր Malaysia Airlines ավիաընկերության MN17 չվերթը:

 

!
Այս նյութը հասանելի է նաև   Русский
Տպել
Partner news