News
Լրահոս
News
Հինգշաբթի
Մայիս 23
Տեսնել լրահոսը

Երեւանի ավագանու «Ելք» խմբակցության անդամ Անահիտ Բախշյանը վստահ է, որ մայրաքաղաքի խնդիրները ողջամիտ ժամկետում կլուծվեն, եթե ընտրություններից հետո նորընտիր ավագանին ցուցաբերի այնպիսի կամք, ինչպես գործող կառավարությունը: NEWS.am-ի հետ զրույցում Անահիտ Բախշյանը հայտարարեց, որ այդ որակի աշխատանքը կախված է ընտրություններից, հնարավոր կլինի միայն ժողովրդավարական, արդար ընտրությունների անցկացման դեպքում:

«Երբ արդար ու ազնիվ նպատակ ես քո առջեւ դնում ու դրա իրագործմանը հավատում ես, ուրեմն կգտնվեն միջոցներ, կարեւորն այդ անհավանական թվացող նպատակի հետեւից գնալն է: Այս քաղաքական ուժը, որ հեղափոխություն իրականացրեց Հայաստանում, այդ պատասխանատվությունը վերցրեց իր ուսերին: Ասաց՝ եթե նպատակադրվում է, միջոցն էլ գտնելու է: Այն փոփոխությունները, որ իրականացվեցին, եւ մենք դրանք տեսանք, դրանից հետո վստահ եմ, որ փոփոխություններ կլինեն նաեւ Երեւանում»,- ասաց Անահիտ Բախշյանը:

Ըստ նրա՝ արդար ընտրության պարագայում քաղաքային իշխանությունը պարտավորվելու է լավ ծառայել եւ արժանանալ Երեւանի բնակչի վստահությանը:  Նրա խոսքով՝ մայրաքաղաքի թե տրանսպորտի, թե վերելակների վատ վիճակի, թե թե մյուս հարցերի լուծման համար կան բավարար միջոցներ, եթե իշխանությունը կենտրոնանա դրանց լուծման վրա:    

«Պիտի շատ կարեւոր բան ապացուցենք առաջիկայում սպասվող ընտրություններով: Կառավարության այսօրվա թիվ մեկ չափորոշիչը պիտի լինի Երեւանի ավագանու  ընտրությունների լեգիտիմ լինելը: Եթե ժողովուրդն իսկապես ընտրեց իր ավագանու անդամներին, հետեւելու է, խրախուսելու է, կանգնելու է ավագանու թիկունքին ու պահանջելու է լուծումներ: Քննադատելու է սխալ աշխատանքը, բայց եւ հավատալու, որ իր ավագանին անտարբերության չի մատնելու դրանք: Կարեւորը քաղաքացու վստահությունն ունենալն է: Այդպես եղավ նաեւ կառավարության դեպքում, ասաց՝ վստահում եմ քեզ, եւ դրա դիմաց քո պատասխանատվությունը բազմապատկիր»:

Անդրադառնալով ընտրախախտումների ու ընտրակաշառքի վերաբերյալ վարչապետի նախազգուշացումներին, թե նման փորձ անողները կդատվեն, ասաց. «Էսքանից հետո թող որեւէ մեկը փորձի ընտրակաշառք բաժանել, բարեգործություն անել, տարբեր ձեւերով մարդկանց քվեն առնել: Դե թող փորձեն: Մնացածն արդեն իրավասու մարմինները գիտեն իրենց անելիքն ու պարտականությունները: Չեմ կարող ասել՝ բացառված է, բայց, ամեն դեպքում, չի կարող լինել այնպես, ինչպես նախկինում: Այդքան հիմար չեն լինի, որ նույն ձեռագրով աշխատեն»,- ասաց Անահիտ Բախշյանը:

Տպել
Կարդացեք նաև
Ամբողջը
«Իրականում մտահոգություններ ունենք». Արմեն Գրիգորյանը՝ դավադիր ուժերի մասին
Վարչապետը հնարավորինս դրա մասին պարզ խոսել է...
Իշխող ուժի նպատակը ամենեւին էլ համակարգի առողջացումը չէ. Էլինար Վարդանյան
Իրականում մենք գործ ունենք շատ վտանգավոր միջադեպի հետ, շատ վտանգավոր նախադեպի հետ...
«Ժողովուրդ». Գագիկ Հարությունյանի հետագա պաշտոնավարմանը հաշված ժամանակ է մնացել
Տեսակետ կա՝ ոլորտի ինքնամաքրումը պետք է սկսվի հենց ԲԴԽ-ից, եւ հենց առաջին հրաժարականը պետք է ներկայացնի...
«Ժողովուրդ». «Իմ քայլը» ՀՀ նախագահի ներկայացրած ՍԴ դատավորի նոր թեկնածուին եւս դեմ է քվեարկելու
ՍԴ դատավորի թափուր պաշտոնում ցանկանալով տեսնել «Մարտի 1»-ի գործով զոհերի իրավահաջորդների ներկայացուցիչ, փաստաբան Վահե Գրիգորյանին...
«168 ժամ». «Թավշյա» պաշտոնյաները ձգտում են գազային ատրճանակի և որսորդական զենքի թույլտվություն ձեռք բերել
Գոնե մեզ փոխանցված եւ ճշտվող տեղեկության համաձայն՝ գործընթացի նախնական շրջանում...
«Փաստ». Նախկին իշխանությունների «աչքի փուշ» դատավորը
Համակարգում խոսում են, որ դրա պատճառն այն է, որ իշխանական «էլիտայում»...