News
Լրահոս
News
Ուրբաթ
Մայիս 24
Տեսնել լրահոսը

ՀՀ կրթության և գիտության նախարար Արայիկ Հարությունյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին:

Ողջունելով հյուրին` Արայիկ Հարությունյանը նշել է, որ հայ-իրանական բարեկամական հարաբերությունները դրսևորվում են նաև կրթության և գիտության ոլորտներում և առկա համագործակցության մակարդակը բավարար հիմք է տալիս հետագա համատեղ ծրագրերի տեսլականը քննարկելու համար:

«Անշուշտ, մենք հավատարիմ ենք մեր պետությունների միջև նախկինում կնքված հուշագրերի շրջանակում նախատեսված պարտավորություններին ու պատրաստակամ՝ քննարկելու նոր համատեղ ծրագրեր, որոնք հայ-իրանական հարաբերությունները կրթության և գիտության ոլորտում նոր որակական աստիճանի կբարձրացնեն»,- նշել է ԿԳ նախարարը:

Դեսպան Սեյեդ Քազեմ Սաջադին ողջունելով նախարար Հարությունյանին` իր խոսքում վերահաստատել է իրանական կողմի պատրաստակամությունը՝ զարգացնելու առկա կրթագիտական համագործակցությունը: Դեսպանն ընդգծել է, որ երկու երկրների հարաբերությունների ամրապնդումը պայմանավորված է նաև գիտակրթական և միջհամալսարանական հարաբերությունների զարգացմամբ: Նա հաստատել է, որ Իրանի կառավարությունը պատրաստակամ է Հայաստանի քաղաքացիներին Իրանի բուհերում դոկտորական տեղերի տրամադրման հարցում: Դեսպանը ՀՀ կրթության և գիտության նախարարին է փոխանցել նաև Իրանի Իսլամական Հանրապետության պաշտոնական այցի հրավերը:

Հանդիպման ընթացքում կողմերն անդրադարձել են միջբուհական հարաբերությունների ամրապնդման, ուսանողների և դասախոսների փոխանակման, Հայաստանում պարսկերեն լեզվի դասընթացների կազմակերպման, նանոտեխնոլոգիաների ոլորտում համագործակցության, ինչպես նաև աշխատանքային այլ հարցերի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանում Հայաստանի մշակույթի շաբաթ կանցկացվի
Էդվարդ Խաչատրյանը ԻՌՆԱ-ին տված բացառիկ հարցազրույցում ասել է, որ երկու կողմերը պայմանավորվել են Իրանում Հայաստանի մշակույթի շաբաթվա անցկացման մասին...
Մենք չենք խնդրում Հայաստանին դադարեցնել Իրանի հետ առեւտուրը. ՀՀ-ում ԱՄՆ դեսպան
ԱՄՆ-ն հասկանում է, որ Հայաստանի համար անչափ կարեւոր է հարավային սահմանը, կարեւոր է առեւտրի եւ անվտանգության համար…
Իրանական պոեզիայի ասմունքի հանրապետական մրցույթ-փառատոն՝ Հայաստանում
Ամփոփիչ փուլում կպարգեւատրվի 6 մասնակից՝ երեքական հայերեն եւ պարսկերեն ասմունքող։ Մրցույթը կմեկնարկի մայիսի 3-ին…
ՊԵԿ նախագահն Իրանում է. Հայաստանն ու Իրանը ավտոմեքենաների մաքսային արժեքի մասին տեղեկություններ կփոխանակեն
Մաքսային սահմաններով տեղափոխվող ապրանքների եւ տրանսպորտային միջոցների մաքսային արժեքի վերաբերյալ տեղեկատվության փոխանակման մասին...
«Ժամանակ». Իզուր եք վիճում. Իրանն առաջիկա օրերին ինքը կարգելի ցեմենտի արտահանումը Հայաստան
Այնպես որ, Հայաստանի իշխանություններն ու պատգամավորները իզուր են վիճում...
Եվրոպացի գործընկերները հասկանում են հայ-իրանական հարաբերությունների զարգացման կարեւորությունը. Փաշինյան
Եվ համաձայն են, որ մենք այսուհետեւ եւս պետք է Իրանի հետ հարաբերություններին աջակցենք ու զարգացնենք…