News
Լրահոս
News
Չորեքշաբթի
Նոյեմբեր 14
Տեսնել լրահոսը

Կառավարության անդամներին, կառավարությանը ենթակա մարմինների ղեկավարներին եւ վարչապետին ենթակա մարմինների ղեկավարներին ուղղված լրատվամիջոցների հետ առնչվելու կարգի վերաբերյալ շրջաբերականը պայմանավորված նրանով, որ կառավարությունը պետք է աշխատի համակարգված, այդտեղ խոսքի ազատության որեւէ սահմանափակում չկա: Այս մասին NEWS.am-ի հետ զրույցում ասաց վարչապետի մամուլի քարտուղար Արման Եղոյանը` անդրադառնալով ԱԺ արտաքին հարաբերությունների հանձնաժողովի նախագահ Արմեն Աշոտյանի ֆեյսբուքյան գրառմանը, թե ՀՀ վարչապետի աշխատակազմի ղեկավարի կողմից սահմանված կարգով սահմանափակվելու է տեղեկատվության տրամադրման ազատությունը, մամուլի օպերատիվությունը, խոսքի ազատությունը եւ աշխատակիցների ազատ արտահայտվելու իրավունքը։

Եղոյանը նաեւ նշեց. «Եթե որեւէ մեկին թվում է, թե իրենք կարող են աշխատելով կառավարությունում՝ նախկին սովորությունների նոստալգիայով շարունակել կոռուպցիայի քարոզ իրականացնել, չարաչար սխալվում են: Կառավարությունում կան մարդիկ, որոնք շարունակում են հին մեթոդներով աշխատել, նման քարոզի փորձերն արդեն կասեցվում են»:

Նրա խոսքով, շրջաբերականը պայմանավորված նրանով, որ կառավարությունը պետք է աշխատի համակարգված եւ «աջ ձեռքը պետք է իմանա, թե ինչ է անում ձախը»։

Եղոյանն ասաց, որ խոսքը չի վերաբերում կառավարության բոլոր աշխատողներին, այլ միայն քաղաքական պատասխանատվություն կրող պաշտոնյաներին. «Չի կարող վարչության պետը իր գործունեության մեջ հակասել քաղաքականություն որոշող պաշտոնյայի որոշումներին: Սա պետական կառավարման համակարգ է»:

Եղոյանը չցանկացավ հրապարկել, թե կոնկրետ ովքեր են կառավարությունում կոռուպցիա քարոզել:

Նշենք, որ ՀՀԿ փոխնախագահ Արմեն Աշոտյանը Facebook-ի իր էջում հրապարակել էր ՀՀ վարչապետի աշխատակազմի ղեկավար Էդուարդ Աղաջանյանի ստորագրությամբ շրջաբերական, որտեղ նշվում էր, որ կառավարության անդամների, կառավարության ենթակա մարմինների ղեկավարների լրատվամիջոցներին տրվող պարզաբանումներում, հարցազրույցներում, արտահայտվող դիրքորոշումները պետք է համընկնեն ՀՀ կառավարության պաշտոնական դիրքորոշման հետ, չհակասեն կառավարության ծրագրին եւ ռազմավարական ուղղություններին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չի բացառվում, որ ԱՄՆ-ն Իրանի հարցով ոճնշում գործադրի Հայաստանի վրա. Ռուբեն Սաֆրաստյան
Ինչ վերաբերում է հայ-թուրքական հարաբերությունների կարգավորմանը, ապա, նրա կարծիքով, Վաշինգթոնը հազիվ թե այդ ուղղությամբ նոր ջանքեր գործադրի...
ԱԺ պատգամավորների 1/3–ը Փաշինյանին առաջադրել է վարչապետի թեկնածու
Այսօր ժամը 18։00–ին լրանում է առաջադրումների ժամկետը...
Բարեփոխումների համար ՀՀ-ին պետք է եկամտաբեր տնտեսություն ու կայուն արտաքին քաղաքականություն. Քննարկում Վաշինգթոնում
Որպեսզի երկիրը կարողանա վճարել Փաշինյանի վարչակազմի հայտարարած արդարադատության ոլորտի բարեփոխումների, հակակոռուպցիոն քաղաքականութան եւ վստահության մեծացման համար...
Քոչարյանը՝ Փաշինյանի արտաքին քաղաքականության մասին. Առայժմ ռեալ, նյութական արդյունքներ չեմ տեսնում
Կդատենք ըստ արդյունքների, այլ ոչ թե այս կամ այն քաղաքական գործիչի պատմությունների…
Նիկոլ Փաշինյանի եւ նրա թիմի գործողություններն ակտիվացրեցին քաղաքականություն վերադառնալուս գործընթացը. Քոչարյան
Մեր ազգը զգացմունքային է, նրան հեշտ է ինչ-որ բանով ոգեւորել, կառավարել նրա զգացմունքները, բայց թե որքանով հեռու կգնար այս գործընթացը, հարկավոր էր հասկանալ...
Այս բեմադրությունը կխաղան եւ արտահերթ ընտրություններ կնշանակեն. Ռոբերտ Քոչարյան
Քանի որ մյուս ուժերը բավարար քաղաքական կամք չդրսեւորեցին եւ իրար հետ չհամագործակցեցին՝ դա թույլ չտալու համար…
Partner news