News
Լրահոս
News
Չորեքշաբթի
Նոյեմբեր 21
Տեսնել լրահոսը

ՀՀ Ազգային ժողովի նախագահ Արա Բաբլոյանն օգոստոսի 20-ին ընդունել է ՀՀ-ում Միավորված ազգերի կազմակերպության (ՄԱԿ) Մանկական հիմնադրամի (ՅՈՒՆԻՍԵՖ) ներկայացուցիչ Տանյա Ռադոչային:

ԱԺ-ից NEWS.am-ին հայտնում են, որ ողջունելով հյուրին` խորհրդարանի ղեկավարն ընդգծել է, որ երեխաների իրավունքների պաշտպանության խնդիրները մշտապես գտնվում են իր ուշադրության կենտրոնում: Արա Բաբլոյանի խոսքով` այս առումով չափազանց կարեւոր է ապահովել Հայաստանում իրականացվող ծրագրերի շարունակականությունը:

Երեխաների իրավունքների պաշտպանության համատեքստում խոսելով ներառական կրթության մասին` խորհրդարանի ղեկավարը շեշտել է, որ հատկապես զարգացման խնդիրներ ունեցող երեխաների դեպքում ներառական կրթության ապահովումը պետք է դիտարկել որպես գլոբալ նպատակ:

Ըստ Արա Բաբլոյանի` այս առումով պետության հոգածության ներքո պետք է լինեն այնպիսի հարցեր, ինչպիսին են, օրինակ, խնդիրների վաղ հայտնաբերումը, ապա անհրաժեշտ միջամտության ցուցաբերումն ու հասարակական կյանքին երեխաների լիարժեք ինտեգրումն ապահովելը:

Տանյա Ռադոչան կարեւորել է Հայաստանում վերջին տարիներին իրականացվող բարեփոխումների գործընթացը: Նա գոհունակություն է հայտնել նախորդ տարի` Երեխաների համաշխարհային օրվա կապակցությամբ ՀՀ Ազգային ժողովի կողմից ՅՈՒՆԻՍԵՖ-ի՝ խոսափողը գեթ մեկ օրով երեխաներին տրամադրելու համաշխարհային նախաձեռնությանը միանալու կապակցությամբ:

Հանդիպման ընթացքում կողմերը քննարկել են ինչպես Երեխաների համաշխարհային օրվան, այնպես էլ երեխաների իրավունքների պաշտպանության ոլորտին վերաբերող մի շարք խնդիրների լուծմանն ուղղված համատեղ նախաձեռնություններ ու միջոցառումներ իրականացնելու հնարավորությունները:

!
Այս նյութը հասանելի է նաև   English and Türkçe
Տպել
Կարդացեք նաև
Ամբողջը
ՄԱԿ ծրագրի տնօրենը պաշտոնից հեռացել է պաշտոնական ճանապարհորդությունների ժամանակ կատարած ծախսերի համար
Աուդիտի արդյունքները չեն հրապարակվել․․․
Թուրքիան Խաշոգջիի սպանության հետաքննության հարցով կարող է ՄԱԿ դիմել
Պոմպեոյի հետ հանդիպման ժամանակ հայտարարել է Թուրքիայի ԱԳ նախարար Մեւլութ Չավուշօղլուն․․․
Նեթանյահու․ Գոլանյան բարձունքները միշտ Իսրայելի ձեռքում կմնան
Վաշինգտոնը բանաձեւի դեմ է հանդես եկել․․․
ԱԳՆ․ Էր Ռիադը սատարում է Եմենում պատերազմի դադարեցմանն ուղղված ՄԱԿ-ի խաղաղ ջանքերին
Մենք սատարում ենք Եմենում իրավիճակի խաղաղ լուծմանը․․․
Բուլղարիան չի միանա միգրացիայի մասին ՄԱԿ-ի Համաշխարհային համաձայնագրին
Համաշխարհային համաձայնագիրը այս տարվա հուլիսին համաձայնեցվել էր ՄԱԿ անդամ բոլոր պետությունների հետ, բացի ԱՄՆ-ից․․․
Գուտերիշ․ Ազգայնականությունը, կրոնական եւ էթնիկ նախապաշարմունքները քայքայում են հասարակությունը
Եւս մեկ սպառնալիք, ըստ Գուտերիշի, Եվրոպական միության հանդեպ վստահության ճգնաժամն է․․․
Partner news