News
Լրահոս
News
Չորեքշաբթի
Նոյեմբեր 21
Տեսնել լրահոսը

3 ամիս առաջ քչերը կարող էին պատկերացնել, որ ուսապարկի նման պարզ բանը կարող է ինչ-որ ավելի մեծ բանի սիմվոլ դառնալ, քան, ասենք, ճամփորդությունն է կամ քեմփինգը: Սակայն բոլորին հայտնի իրադարձություններից հետո մարդիկ շտապեցին գնել այն նույն «հանդերձանքը», եւ դա լիովին հասկանալի երեւույթ է: Սակայն մի բան է պարզապես մեկ ֆունկցիայովուսապարկ գնել, որտեղ որքան հնարավոր է շատ իրեր կտեղավորվի, մեկ այլ բան է ավելի բազմաֆունկցիոնալ մի բանի հավակնել՝ յուրահատուկ ուսապարկ+: Եւ հիմա ես ձեզ կպատմեմ նման մի ուսապարկի մասին։

Solamigo-ի (Նյու Յորք) տղաները որոշել են ուսապարկ ստեղծել, որի մեջ, ըստ նրանց, կողոպտիչներին չափազանց դժվար կլինի մտնել: Ուսապարկը հագեցած է հատուկ կողպեքով, եւ բացել այն կարող է միայն նա, ով գիտի երեքնիշանոց կոդը: Կոմբինացիայի 999 տարբերակ կա, այնպես որ, նույնիսկ չարժե դրա վրա ժամանակ ծախսել:

Ներկառուցված արեւային վահանակի շնորհիվ՝ ուսապարկից կարելի է հեռախոսներ, նոութբուքեր եւ այլ սարքեր լիցքավորել: Ի դեպ, եթե դուք usb լարով թեյնիկ ունեք, համարձակորեն վերցրեք այն ձեզ հետ... բնության գրկում սուրճ կամ թեյ խմելը հատկապես հաճելի է: Պետք է նշել, որ արեւային վահանակը պատրաստված է հատուկ նյութից, որը չի կոտրվում, եթե, իհարկե, դրա վրայով տանկ չանցնի: Նյութը բավական ճկուն է եւ անջրանցիկ:

Էլ ի՞նչ։ Իմ կարծիքով՝ այդ արեւային վահանակը արդեն բավական է, որպեսզի այդ հրաշքի տեր դառնաք։ Հավելեմ եւս մի քանի հետաքրքիր մանրամասներ։ Ուսապարկի դիզայնը մշակվել է այնպես, որ քաշը հավասարաչափ բաշխվի, իսկ հետեւաբար եւ մեջքի ծանրաբեռնվածությունը։ Գրպաններ կան ինչպես ուսապարկի վրա, այնպես էլ ուսակալներին, որտեղ կարելի է փաստաթղթեր դնել եւ դրանք միշտ ձեռքի տակ կլինի…կամ այս պարագայում ուսի տակ։

Ինչո՞ւ խոսքն ընդհանրապես գնաց այդ ուսապարկի մասին։ Քանի որ, ըստ իմ դիտարկումների, աշխարհն ամեն տարի դառնում է ավելի բաց եւ պետության սահմանները խաղում են ավելի շատ պայմանական դեր։

Աշխարհը բաց է ճանապարհորդությունների համար, իսկ տարատեսակ՝ couch surfing կամ travel friend համակարգերից օգտվելով կարելի է ճանապարհորդել, ծախսելով բացարձակապես նվազագույն միջոցներ, եւ անծանոթ մարդկանց մոտ մնալով մեկ կամ երկու օր, այն ինչ ձեզ պետք կլինի, կարելի կլինի տեղավորել ուսապարկում, որը դժվար է կորցնել եւ որի շնորհիվ կարելի կլինի կապի մեջ լինել։

Հրայր Դալլաքյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսական ФАН հրատարակչությունն իր էջը փակելու համար դատի է տվել Facebook-ին
Հայցում ասվում է, որ ФАН-ը նորությունների անկախ, հավաստի եւ օրինական գործակալություն է․․․
Հին iPhone-ների տերերը հայտնվել են հեռախոսը կոտրելու սպառնալիքի ներքո
Սա խարդախներին թույլ է տալիս կեղծել հանրահայտ կայքերի էջերը, որոնցում օգտագործվում է d տառը՝ LinkedIn, Dropbox, Reddit, Wordpress եւ այլն…
iOS-ի համար Google Photos-ում երկար սպասված գործառույթներ են ավելացրել
Ավելի վաղ այդ գործառույթը հասանելի էր միայն Android սարքերի համար...
Facebook-ում եւ Instagram-ում խափանումներ են տեղի ունեցել
Դրանք զգացվել են ողջ աշխարհում․․․
Առաջին արբանյակային Android հեռախոսը վաճառքի կհանվի
Որպես օպերացիոն համակարգ արտադրողը որոշել է օգտագործել անցյալ տարիների Android 7 Nougat–ը...
Երեւանում նոյեմբերի 24-ին կանցկացվի ArmSec 2018 համաժողովը եւ հաքերային Capture the Flag մրցույթը
Բացառված չէ, որ այս տարի մրցույթին կգա նաեւ ԱԱԾ թիմը...
Partner news