News
Լրահոս
News
Երկուշաբթի
Հունվար 21
Տեսնել լրահոսը


Այս շաբաթ ոստիկանության պետի հանձնարարականով ճանապարհային ոստիկանությունը մայրաքաղաքում իրականացրեց ուժեղացված ծառայություն: Գործողությունը աննախադեպ էր, քանի որ ընդգրկված էին ճանապարհային ոստիկանության մեծաթիվ ուժեր՝ ճանապարհապարեկային ծառայության բաժնի, մայրաքաղաքը սպասարկող՝ առաջին, մարզերը սպասարկող՝ երկրորդ սպայական գումարտակների եւ ուղեկցող հատուկ վաշտի ծառայողները:

Ուժեղացված ծառայությունը ղեկավարում էր ոստիկանության պետի տեղակալ Աղասի Կիրակոսյանը, իսկ մի քանի ուղղություններով գործողությունները համակարգում էին ճանապարհային ոստիկանության ղեկավարությունն ու ծառայության ստորաբաժանումների հրամանատարները:

Շուրջօրյա ծառայության ընթացքում կազվել է վարչական իրավախախտման վերաբերյալ շուրջ 1000 արձանագրություն, մոտ 150 մեքենա տեղափոխվել է ճանապարհային ոստիկանության պահպանվող հատուկ տարածք:

40 վարորդ մեքենան վարել է ոչ սթափ վիճակում, 10-ը տրանսպորտային միջոց եղել է տարբեր գերատեսչությունների կողմից հետախուզման մեջ, 90-ի հողմապակիներն էլ եղել են թաղանթապատ:

Ճանապարհային ոստիկանների ուշադրության կենտրոնում են եղել մայրաքաղաքում ուշ ժամերին, այսպես ասած, մրցավազքեր ու դրիֆտներ կատարող, երթեւեկության այլ մասնակիցների նկատմամբ բացահայտ անհարգալից վերաբերմունք դրսեւորող եւ միտումնավոր խախտումներ կատարող վարորդները: Հայտնաբերվել է նման 50 վարորդ:

Ուժեղացված ծառայության ընթացքում ժամկետն անց ԱՊՊԱ պայմանագրի համար վարչական իրավախախտման վերաբերյալ կազմվել է 35 արձանագրություն:

Տուգանվել են նաեւ երեկոյան ժամերին բարձր ձայնով երթեւեկելու համար վերասարքավորված խլացուցիչներով, գերհզոր ձայնազդանշանային համակարգեր ունեցող մեքենաների ու մոտոցիկլետների վարորդները:

Հայտնաբերվել են տարբեր առարկաներով համարանիշը ծածկած եւ չթույլատրված վայրերում կայանած մեքենաներ: Որոշները խախտումները վերացրել են տեղում, իսկ մյուս տրանսպորտային միջոցները ավտոքարշակը տեղափոխել է ճանապարհային ոստիկանության պահպանվող հատուկ տարածք եւ դրանց վարորդների նկատմամբ կազմվել համապատասխան արձանագրություններ:

Զգուշացվել են չթույլատրված հատվածներով փողոցները հատող երթեւեկության մասնակից հետիոտները:

Ծառայության ընթացքում ոչ մի վարորդի նկատմամբ որեւէ ներողամտություն չի ցուցաբերվել, բոլոր օրինախախտները՝ անխտիր ենթարկվել են վարչական պատասխանատվության:

Ուժեղացված ծառայությունները շարունակական են: Եվս մեկ անգամ կոչ ենք անում բոլոր վարորդներին պահպանել երթեւեկության կանոնները:

Տպել
Կարդացեք նաև
Ամբողջը
Փրկարարների օգնությամբ վատառողջ երեխաները տեղափոխվել են հիվանդանոց եւ ստացել բուժօգնություն
Հունվարի 17-ին Ծաղկահովիտի ԲԿ-ից տեղեկատվություն է ստացվել այն մասին, որ Ճարճակիս գյուղի ավտոճանապարհը փակ է, գյուղում կան վատառողջ երեխաներ...
Սեդրակ Քոչարյանը Արթուր Վանեցյանից նյութական փոխհատուցում չի պահանջում
ՀՀ երկրորդ նախագահ Ռոբերտ Քոչարյանի որդին՝ Սեդրակ Քոչարյանը դատարանից պահանջում է հրապարակայնորեն հերքել...
Վճռաբեկը հիմնավոր է համարել ընտրական հանցագործությունների համար ազատազրկմամբ պատժի նշանակման դիրքորոշումները
Պաշտպանական կողմը Վերաքննիչ դատարանի որոշման դեմ ներկայացրել է վճռաբեկ բողոք, որը ընդունվել է վարույթ...
Թունավորումներ Արցախում՝ գազի ջրատաքացուցիչ կաթսայից արտանետված շմոլ գազից
Ս.թ. հունվարի 20-ին ժամը 23:30-ի սահմաններում տան խոհանոցում տեղադրված գազօջախից արտանետված շմոլ գազից թունավորվել եւ բուժհաստատություններ են տեղափոխվել Ասկերան քաղաքի բնակիչներ…
Որպես հայ մարդ՝ խնդրում եմ տասը րոպե ժամանակ գտնել ինձ անձամբ ընդունելու համար. Միխայիլ Աղաջանովը՝ Փաշինյանին
Ձեզ բազմիցս գրավոր դիմել եմ ընդունելության խնդրանքով, ներկայացրել եմ նաեւ իմ մտահոգությունը հարցի էությանը, այն, որ որպես հրեշավոր կերպով սպանված Իոսիֆ Աղաջանովի ծնող՝ չեմ կարող հաշտվել...
Գողություն խանութից. Տարել են մի պարկ ծխախոտ, խմիչք, քաղցրավենիք, փող ու բանկային քարտ
Երկու անձի մեղադրանք է առաջադրվել՝ խանութից խոշոր չափերով գողություն կատարելու համար...
Ամենաշատ