Անկարայում ԱՄՆ դեսպանատան գնդակոծության գործով երկու կասկածյալ է ձերբակալվել. նրանք խոստովանական ցուցմունք են տվել: Այս մասին գրում է ՌԲԿ-ն՝ վկայակոչելով Anadolu գործակալությունն ու Անկարայի անվտանգության վարչության աղբյուրին:
Այստեղ պատմել են, որ հայտնաբերվել է նաեւ հանցագործների ավտոմեքենան: Վարչությունում, սակայն, ձերբակալվածների անունները չեն նշել:
Անհայտ անձինք Անկարայում ԱՄՆ դեսպանատան ուղղությամբ կրակ էին բացել օգոստոսի 20-ին, տեղական ժամանակով 05:00-ի սահմաններում: Հարձակվողները հասցրել են 4-5 կրակոց արձակել, ինչից հետո ավտոմեքենայով փախուստի են դիմել: Միջադեպի արդյունքում ոչ ոք չի տուժել:
