ԱՄՆ նախագահ Դոնալդ Թրամփը պատրաստ կլինի քննարկել Ռուսաստանի նկատմամբ ամերիկյան պատժամիջոցների չեղարկման հնարավորությունը, եթե Մոսկվան սկսի Վաշինգթոնի հետ համատեղ քայլեր ձեռնարկել, այդ թվում՝ Սիրիայի եւ Ուկրաինայի ուղղությամբ: Այս մասին նա հայտարարել է Reuters-ին տված հարցազրույցում:
Թրամփը շեշտել է, որ պատժամիջոցների հարցը չի բարձրացվել ՌԴ նախագահ Վլադիմիր Պուտինի հետ իր հանդիպման ժամանակ, սակայն նա ուրվագծել է դրանց չեղարկման պայմանները․ «Ես դա կդիտարկեմ միայն, եթե նրանք ինչ-որ բան ի օգուտ մեզ անեն»,-նշել է նա՝ հավելելով, որ Պուտինի հետ քննարկել է նաեւ Ղրիմի պատկանելիության, Իսրայելի անվտանգության, Ուկրաինայում իրավիճակի եւ «Հյուսիսային հոսք 2» գազատարի վերաբերյալ հարցեր։
