News
Լրահոս
News
Շաբաթ
Հունվար 19
Տեսնել լրահոսը

Հայկական գորգի ազգային կենտրոնը մեկնարկում է գորգագործական արտադրամասերի եւ արհեստանոցների բացման իր ծրագրը: Այն կյանքի է կոչվում Հայկական գորգի ազգային կենտրոնի եւ Ucom ընկերության գործակցության շրջանակներում: Կողմերը հուշագիր են ստորագրել, ինչը հնարավորություն է ստեղծում Երեւանում ու մարզերում, հատկապես սահմանամերձ գյուղերում, զարգացնել դարեր ի վեր հայ ժողովրդի կենսակերպի անբաժանելի մաս դարձած կիրառական արվեստի այս ճյուղը:

«Հայապահպանության թեման քիչ ուշադրության է արժանանում մեր օրերում, եւ մեր սոցիալական պատասխանատվության ծրագրերում մենք մշտապես ներառում ենք մշակույթի ու կրթության այնպիսի ուղղություններ, որոնք կարեւոր են, սակայն երբեմն անտեսված են: Գորգագործությունը հաճախ մեր մշակույթի ներկայացնողն է եղել աշխարհում, եւ մենք մեր պարտքն ենք համարում կանգնել Հայկական գորգի ազգային կենտրոնի կողքին՝ մեր ներդրումն ունենալու այսքան գովելի մի ծրագրի աշխատանքներում, որը միտված է նոր շունչ հաղորդելու հայկական գորգագործության հարուստ ավանդույթներին ու պատմությանը»,- նշել է «Ucom» ընկերության խորհրդի նախագահ Գուրգեն Խաչատրյանը, ում նախաձեռնությամբ կայացել է այս համագործակցությունը:

«Բիզնես-մշակույթ համագործակցություն՝ հանուն մշակույթի զարգացման, հայագիտության եւ ազգային արժեքների պահպանման, ահա այս համատեքստում ենք տեսնում մեր երկխոսությունը։ Համագործակցության կայացման դեպքում կունենանք ազդեցության ոլորտներ մի քանի ուղղություններով, օրինակ աշխատատեղերի ստեղծում, շրջաններում զբաղվածության խնդրի մասնակի լուծում, կիրառական արվեստի՝ մասնավորապես գորգագործության եւ ձեռագործության խթանում, շուկայի ձեւավորում եւ այլն։ Լիահույս եմ, որ կունենանք շոշափելի ձեռքբերումներ՝ քաջ գիտակցելով, որ դյուրին գործ չէ»,-ընդգծել է Հայկական գորգի ազգային կենտրոնի հիմնադիր-նախագահ Վիկտոր Մնացականյանը։

«Հայտնի է, որ Ucom-ը տարիներ շարունակ աջակցում է Հայաստանի բոլոր մարզերում «Արմաթ» ինժեներական լաբորատորիաների բացման ծրագրին: Մենք կարեւորում ենք ինժեներական մտքի զարգացումը դպրոցականների շրջանում եւ հավատում ենք, որ հայ երեխաները դեռ կունենան իրենց ասելիքը համաշխարհային կտրվածքով: Սակայն ոչ պակաս կարեւոր է մարզերում նաեւ այլ աշխատատեղերի ստեղծումը: Կարծում եմ՝ գորգագործությունն ու ձեռագործ արվեստը հրաշալի հնարավորություն է ոչ միայն պահպանելու այդ ոլորտի բազմադարյա ավանդույթները, այլեւ որոշակի չափով լուծելու տեխնիկական կրթություն չունեցող մարդկանց զբաղվածության հարցը»,- ասել է Ucom ընկերության համահիմնադիր եւ գլխավոր տնօրեն Հայկ Եսայանը:

2017 թ. հիմնադրվել է Հայկական գորգի ազգային կենտրոնը, որը 2018 թ. առաջին ամիսներից սկսել է «Որդան կարմիր» հայկական գորգի եւ գործվածքի թանգարանի հիմնադրման աշխատանքները:  Առաջիկա ամսվա ընթացքում Աբովյան 3 հասցեում՝ մեկդարյա պատմություն ունեցող ԱՕԿՍ-ի շենքում, կսկսի գործել «Որդան կարմիր» թանգարանը՝ նպատակ ունենալով աշխարհին ներկայացնել հայկական գորգարվեստի պատմությունը, հարուստ ավանդույթներն ու ժառանգությունը:

Տպել
Կարդացեք նաև
Ամբողջը
Դավթաշենի ավտոճանապարհին ընկած հենասյունը չի պատկանում Ucom ընկերությանը. պարզաբանում
Տեղեկացնենք, որ Ucom ընկերության համապատասխան տեխնիկական ստորաբաժանման աշխատակիցները մեկնել են դեպքի վայր այն բանից հետո...
Եթերային հեռարձակման ոլորտում եւս մեկ տարով բացառվում է նոր «խաղացողների» ի հայտ գալ. հայտարարություն
Հանրային թվային ցանցի օպերատորը եւս մեկ տարով պահպանելու է իր մենաշնորհային դիրքը…
Beeline-ը պատրաստ է ամանորյա տոներին. Մեծացրել է բջջային ցանցերի տարողականությունը
Մենք արել ենք հնարավոր ամեն ինչ, որպեսզի ամանորյա տոների ընթացքում մեր բաժանորդները բաց չթողնեն ոչ մի զանգ՝ լինի դա հեռախոսով թե ինտերնետով…
Շենգավիթ համայնքում վերաբացվել է Beeline-ի վաճառքի եւ սպասարկման գրասենյակը
Beeline-ը մշտապես աշխատում է իր գրասենյակների ցանցի զարգացման ուղղությամբ, եւ հիանալի նորություն ունի Շենգավիթ համայնքի բնակիչների համար...
Beeline-ի վաճառքի եւ սպասարկման գրասենյակները տոներին կաշխատեն հատուկ գրաֆիկով
Beeline-ը մշտապես մեծ ուշադրություն է դարձնում սպասարկման որակին եւ բաժանորդների հարմարությանը։ Նույնիսկ ամանորյա տոներին մենք ձգտում ենք...
Beeline-ն ամփոփեց «Հաճախորդի օր» եւ «Հաճախորդի ձայն» ծրագրերի արդյունքները
Beeline-ի քաղաքականության կարեւոր մասն է՝ օգնել հաճախորդներին եւ արագ արձագանքել նրանց առաջարկներին եւ բողոքներին…
Ֆոտոռեպորտաժներ