Հակակոռուպցիոն ոլորտի միջազգային կազմակերպությունների վերջին գնահատականներով Հայաստանը բարելավել է իր դիրքերը: Այս մասին այսօր՝ օգոստոսի 21-ին, իր պաշտոնավարման 100 օրն ամփոփող ասուլիսի ժամանակ հայտարարեց ՀՀ Արդարադատության նախարար Արտակ Զեյնալյանը:
«2018 թվականին Փարիզում հայտարարված հակակոռուպցիոն զեկույցով հաստատված է, որ Հայաստանին այս փուլում ներկայացված 21 հանձնարարականներից բոլորը կատարված են հակակոռուպցիոն ոլորտում»,- ասաց նախարարը:
Զեյնալյանը տեղեկացրեց, որ ազդարարման մասին օրենքում կատարված փոփոխությունների համաձայն Ազդարարման միասնական էլեկտրոնային հարթակը կսկսի գործարկվել 2019 թվականի հունվարի 1-ից:
Նախարարի խոսքով, ինքը նախաձեռնել է ՍԴ որոշումների կատարման օրենսդրական փաթեթների պատրաստման գործընթաց, ինչի ավարտից հետո ՍԴ բոլոր որոշումները կիրականացվեն: