Google-ի Unskippable Labs ստորաբաժանումը ստեղծել է Doctor Fork («Դոկտոր պատառաքաղ») պիցցայի կեղծ ապրանքանիշը՝ YouTube-ի համար վիդեոգովազդների ստեղծման վերաբերյալ կարծրատիպերը ստուգելու համար: Այս մասին հաղորդում է «Վեդոմոստի»-ն՝ վկայակոչելով TechCrunch կայքը:
Գոյություն չունեցող ապրանքանիշի առաջխաղացման համար ընկերությունը 33 գովազդային տեսահոլովակ է ստեղծել, որոնք տեղադրել է YouTube-ում: Doctor Fork-ի գովազդը հարթակում, ընդհանուր առմամբ, 20 միլիոն դիտում է ունեցել:
Տեսանյութերը միավորել է այն, որ դրանք խախտել են գովազդատուների մոտ ձեւավորված սննդի առաջխաղացման կանոնները, նշում է TechCrunch-ը:
Փորձարկման արդյունքում Google-ը հանգել է այն եզրակացության, որ սննդի գովազդում հարկ է աուդիո եւ վիդեո ազդանշաններ օգտագործել, ինչպես նաեւ՝ տեքստ: Մեկ այլ եզրակացություն՝ օգտվողներին դուրս է գալիս սնունդ տեսնել սննդի գովազդում: Այդպես, խոշոր պլանով մթերքների նկարահանումը, հավանաբար, հիշողություններ կառաջացնի դիտողների մոտ եւ կուժեղացնի ազդեցությունը: