Հայ կառուցողական կուսակցության ղեկավար Անդրիաս Ղուկասյանը բողոքի ակցիա է իրականացրել Կենտրոնական ընտրական հանձնաժողովի դիմաց՝ պահանջելով ԿԸՀ-ի նախագահ Տիգրան Մուկուչյանի հրաժարականը: Այս մասին տեղեկանում ենք նրա ֆեյսբուքյան էջից:
«Մենք գտնում ենք, որ Մուկուչյանը պետք է հեռանա եւ նա չի կարող մեր երկրում ղեկավարել որւեէ ընտրություններ եւ հանրաքվեներ: Հանձնաժողովը, որը 2011 թվականից ի վեր կեղծարարությամբ է զբաղվել բոլոր ընտրություններում եւ սպասարկել է 2012 թվականի խորհրդարանական ընտրություններին իշխանությունների յուրացումը, 2013 թվականի նախագահական ընտրություններում իշխանության յուրացումը եւ իշխանության մոնոպոլիայի ձեւավորումը եւ այլն: Այդ բոլոր հանցագործությունները իրականացրած թիմը չի կարող ղեկավարել այսօրվա ընտրությունները»,-ասաց Անդրիաս Ղուկասյանը:
Նա իր հետ հետեւյալ գրությամբ պաստառներն է բերել ԿԸՀ՝ «Կանեփ ընդունած հանձնաժողով», «Ընտրագողերի հանձնաժողով», «Մուկուչյան հեռացիր» եւ այլն:
