News
Լրահոս
News
Չորեքշաբթի
Սեպտեմբեր 19
Տեսնել լրահոսը

ԱՄՆ վարչակազմն առաջնահերթություն ունի աշխատել իրավասությունների հետ, որոնց միջոցով  «ռուսական ֆինանսական հոսքերի մեծ ծավալներ» են անցնում, այդ թվում՝ Մեծ Բրիտանիայի, Կիպրոսի եւ Լատվիայի, նշվում է ԱՄՆ ֆինանսների նախարարության՝ Ռուսաստանից անօրինական ֆինանսական հոսքերի դեմ ուղղված զեկույցում  (Report on illicit finance relating to the Russian Federation), փոխանցում է «ՌԲԿ»-ն:

Մասնավորապես, Կիպրոսում, որը «շարունակում է փողերի լվացման առումով մտահոգություն առաջացնող իրավասություն» մնալ, սառեցվել են ռուս միլիարդատերերի Օլեգ Դերիպասկայի եւ Վիկտոր Վեկսելբերգի բանկային հաշիվները: Դա տեղի է ունեցել 2018 թվականի ապրիլի 6-ից հետո, երբ ԱՄՆ ֆիննախը Դերիպասկային, Վեկսելբերգին եւ նրանց ընկերությունները ընդգրկել է պատժամիջոցների ցուցակում:

ԱՄՆ-ի զեկույցում նշվում է, որ Դերիպասկայի եւ Վեկսելբերգի դեմ պատժամիջոցները զգալի ֆինանսական վնաս են հասցրել գործարարներին: Մասնավորապես, Վեկսելբերգի կարողությունը կրճատվել է մոտ 3 մլրդ դոլարով՝ մինչեւ 13.5 մլրդ դոլար: 2018 թվականի հուլիսի 26-ի դրությամբ այն 16.4 մլրդ դոլար է կազմում:

 

!
Այս նյութը հասանելի է նաև   Русский
Տպել
Partner news