Բահրեյնը դադարեցրել է վիզաներ տրամադրել Կատարի քաղաքացիներին: Այս մասին հայտարարել է երկրի ՆԳՆ-ն, հաղորդում է պետական BNA գործակալությունը:
Ըստ հաղորդագրության, այս միջոցը չի տարածվի Կատարի այն քաղաքացիների վրա, ովքեր արդեն թագավորությունում են գտնվում: Ներքին գործերի նախարարությունը հայտնել է, որ որոշումը կայացվել է ի պատասխան Կատարի իշխանությունների «թշնամական գործողություններին»:
2017 թվականի հունիսին Բահրեյնը, Սաուդյան Արաբիան, Միացյալ Արաբական Էմիրությունները եւ Եգիպտոսը խզել էին դիվանագիտական, տրանսպորտային եւ առեւտրային կապերը Կատարի հետ` մեղադրելով նրան ահաբեկչության ֆինանսավորման համար: Դոհան հերքում է մեղադրանքները:
Անցյալ տարվա հոկտեմբերին Բահրեյնը հայտարարեց, որ անվտանգության նկատառումներից մուտքի վիզաներ է ներդնում Կատարի քաղաքացիների համար: