Գերմանական կառավարությունը աջակցում է Թուրքիայի միջոցով դեպի Եվրոպա այլընտրանքային գազամուղների կառուցմանը, հաղորդում է Reuters-ը: «Մենք շահագրգռված ենք Հարավային գազային միջանցքի հետագա զարգացմամբ», - գործակալությանն ասել է գերմանական կառավարության ներկայացուցիչը:
«Հարավային գազային միջանցքը» բաղկացած է երեք գազատարներից` Հարավկովկասյան (Բաքու-Թբիլիսի-Էրզրում), Տրանսանատոլիական (TANAP) եւ Տրանսադրիատիկյան (TAP):
Ակնկալվում է, որ դեպի Եվրոպա տարեկան 10 մլրդ խորանարդ մետր ադրբեջանական գազի մատակարարումը կսկսվի 2020 թվականին, հաղորդում է DW-ն:
«Եվրոպա գազ մատակարարել ոչ միայն Ռուսաստանից, այլեւ այլ տարածաշրջաններից՝ սա ԵՄ-ի դիվերսիֆիկացման ռազմավարության մի մասը», - ասել է Գերմանիայի կառավարության ներկայացուցիչը: Ադրբեջանը նա անվանել է ռազմավարական նշանակություն ունեցող երկիր եւ հետագայում հնարավոր է համարել Թուրքմենստանից, Իրանից եւ Իրաքից գազի մատակարարումը Եվրոպա: