Ինդոնեզիայում տղամարդուն շնաձկան վրա նստած լողալու փորձի համար կալանավորել են, հաղորդում է Daily Mail-ը:
Դայվինգով զբաղվելու ժամանակ տեղացի գործարարը ընկերների հետ փորձել է հեծնել կետային շնաձկանը, որը լողում էր նրա կողքով: Համացանցում հայտնված տեսանյութում կարելի է տեսնել, ինչպես է տղամարդը պառկած ձկան մեջքին, իսկ ընկերները բռնված են նրա լողաթեւերից:
Ինդոնեզիայում կետային շնաձկները պահպանության տակ են գտնվում: Սուզորդներին արգելվում է դիպչել կենդանիներին, քանի որ նրանց հեշտությամբ կարելի է վնասել: Մարդու համար այս ձկները վնաս չեն ներկայացնում: