Անցումային արդարադատությունը համաշխարհային ընդունված գործիք է եւ նույնիսկ միջազգային կազմակերպություններից իշխանափոխության հենց հաջորդ օրերից այս մեխանիզմների մասին քննարկումներ ունեցել ենք: Այս մասին, այսօր՝ օգոստոսի 22-ին, հայ-չինական դպրոցի բացման արարողության ժամանակ, լրագրողների հետ զրույցում նշեց ՀՀ վարչապետ Նիկոլ Փաշինյանը:
«Ինչու եմ հիմա սրա մասին խոսում, որովհետեւ կան կոնկրետ իրավիճակներ, երբ իրավապահ մարմինները զեկուցում են, օրինակ մարդկանց հաշիվների վրա կան միլիոնավոր դոլարներ եւ ակնհայտ է, որ դրանք հանցավոր ճանապարհով ձեռք բերված գումարներ են, բայց այսօրվա մեր քրեաիրավական կարգավորումները. չեմ ասում անհնար են դարձնում, բայց լուրջ խոչընդոտներ են ստեղծում այդ գումարների ծագումնաբանությունը քննելու եւ դրանք վերադարձնելու վերաբերյալ»,-հայտարարեց Փաշինյանը:
Հարցին, թե հանրահավաքում կոնկրետ որ անձի մասին էր խոսքը, որ նրա հաշվեհամարին 30 մլն դոլար կա, վարչապետը պատասխանեց, որ չի կարող նախաքննության գաղտնիքները հրապարակել: «Ես կարծում եմ, որ մթնոլորտի առումով դա այնքան էլ ճիշտ չէ»:
