Վենեսուելայում՝ Կարիբյան ծովի ափից քիչ հեռու, 5.8 մագնիտուդով երկրաշարժ է տեղի ունեցել, հայտնում է ԱՄՆ-ի երկրաբանական ծառայությունը (USGS), փոխանցում է «ՌԻԱ Նովոստի»-ն:
Ստորգետնյա ցնցումները գրանցվել են UTC ժամանակով 13.27-ին: Էպիկենտրոնը գտնվում էր Սուկրե նահանգի Յագուարպարո քաղաքից 10 կմ դեպի արեւմուտք: Երկրաշարժի օջախը գտնվում էր 97.5 կմ խորության վրա:
Հնարավոր զոհերի եւ ավերածությունների մասին տեղեկություններ չեն հաղորդվում: Երկրաբանական ծառայությունը երկրաշարժի հետեւանքների վտանգի «կանաչ» մակարդակ է նշել, ինչը զոհերի եւ տնտեսական վնասի փոքր հավանականություն է ենթադրում: