News
Լրահոս
News
Չորեքշաբթի
Հոկտեմբեր 27
Տեսնել լրահոսը

Հայաստանյան գետերում տեղանքներ կան, որ գետի երկայնքով քայլում ես, ուղղակի աղետի տպավորություն է թողնում: Այս մասին, այսօր՝ օգոստոսի 23-ին, կառավարության նիստում հայտարարեց վարչապետ Նիկոլ Փաշինյանը՝ անդրադառնալով փոքր հէկ-երի կառուցման համար արգելված գոտիներ սահմանելու նախագծին:

Նա հարց ուղղեց նախագիծը ներկայացնող բնապահպանության նախարար Էրիկ Գրիգորյանին, թե կա՞ն գնահատականներ, թե ինչ է տեղի ունեցել գետերի կենդանական աշխարհի հետ, արդյոք իրավիճակը բավարար է: Ի պատասխան նախարարն ասաց. «Իրավիճակը ձկնուղիների հետ կապված կատաստրոֆիկ է, քանի որ հէկ-երի մեծ մասը չեն համապատասխանում Հայաստանի բնաշխարհին բնորոշ ձկների կարողություններին: Դրա հետեւանքով ձկների պոպուլյացիան էականորեն նվազել է: Մենք արդեն ունենք մշակված կարգը՝ ձկնուղիների բարձրություն, լայնություն, աստիճանների բարձրություն: Դա պետք է առաջարկենք բոլոր հէկ-երին»:

Իր հերթին Փաշինյանը հայտարարեց. «Խոսքը ռազմավարական ռեսուրսի մասին է եւ պետք է լրջորեն զբաղվենք այդ խնդրով: Անհրաժեշտության դեպքում, կարծում եմ, նաեւ իրավապահ մարմինները պետք է զբաղվեն այս խնդրով: Այս պրոցեսը, սակայն, որեւէ կերպ չպետք է զուգակցվի սեփականության վերաբաշխումներով: Մենք պետք է համագործակցության մթնոլորտ ստեղծենք եւ լուծենք երկու հարց. նախ՝ ապահովել հէկ-երի բնականոն գործունեությունը, երկրորդը՝ բնապահպանական կատաստրոֆիկ իրավիճակների հաղթահարման ճանապարհային քարտեզը, որ հստակ ծրագիր ունենանք, թե ինչ ժամկետներում ենք այդ խնդիրները լուծելու: Եվ երրորդը օրինականության լիարժեք վերականգնումն է»:

Փաշինյանը հիշեցրեց, որ վերջին խորհրդակցություններից մեկի ժամանակ ինքը հրապարակել է դատախազության պատրաստած տեղեկանքը փոքր հէկ-երի կողմից ջրօգտագործման անոմալիաների վերաբերյալ. «Կարծում եմ՝ այստեղ պետք է ոչ թե սպառնալիքների լեզուն աշխատի, այլ պետք է կուլտուրա մտնի, որ այդ հանրային ռեսուրսի օգտագործմանը պետք է վերաբերվել պատասխանատու: Մենք Հայաստանում շատ կարեւոր ենք համարում, պայմանականորեն ասած, էկո Հայաստանի շարունակական իրագործումը»:

Նշենք, որ Կառավարությունը ի վերջո հավանություն տվեց  «Հայաստանի Հանրապետության ջրային օրենսգրքում լրացում եւ փոփոխություններ կատարելու մասին» օրենքի նախագծին, որով սահմանվում են փոքր հիդրոէլեկտրակայանների կառուցման եւ շահագործման համար արգելված գոտիները եւ գետերի ցանկը, որոնք կկանխարգելեն շրջակա միջավայրի վրա փոքր հիդրոէլեկտրակայանների վնասակար ազդեցությունները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի տնտեսական ակտիվության ցուցանիշը շարունակում է նվազել
Կանխատեսելի էր, որ գների շարունակվող աճի պայմաններում նվազում է ներքին առևտուրը, որը փաստում է նաև մեր բնակչության նվազող...
Հայաստանում հիմնադրված նոր սերնդի ավիացիոն բիզնես. Հարցազրույց YourJets-ի հիմնադիր Գուրգեն Ամբարյանի հետ (ֆոտո)
«YourJets»-ի հիմնադրումը ինձ համար մանկության երազանքի հետևից գնալու գործնական առաջին քայլն էր...
Նույնիսկ խառը կանաչին ու սոխը իրավիճակը չեն փրկում. Էլինար Վարդանյան
Բարձր գնաճը, ըստ ՀՀ Վիճակագրական կոմիտեի հրապարակած տվյալների, հունվար-սեպտեմբեր կտրվածքով հասել է 8.9 տոկոսի…
Դոլարի փոխարժեքը կայուն է. եվրոն էժանացել է
Թանկարժեք մետաղների համար բանկի կողմից սահմանվել են հետևյալ գները...
ՊԵԿ-ն ու Զարգացման ֆրանսիական գործակալությունը համագործակցում են հարկային բարեփոխումների իրականացման նպատակով
Տեխնիկական աջակցության ծրագիրը կենտրոնացած է մի քանի բաղադրիչների վրա...
Հայաստան. հունվար-սեպտեմբեր ամիսներին Ռուսաստանի քաղաքացիություն է ստացել ավելի քան 34 000 մարդ
Սահմաններին չդադարող սադրանքները, մոտ ապագայի անորոշությունը ստիպում են շատերին ապրելու ապահով վայր փնտրել․․․
Ամենաշատ