Փարիզի մերձակայքում՝ Տրապ քաղաքում, դանակով զինված տղամարդը սպանել է երկու մարդու եւ ծանր վնասվածք հասցրել եւս մեկի, հաղորդում է RFI-ն:
Ոստիկանությունը հարձակվողին չեզոքացնելու համար հրազեն է կիրառել: Նա մահացել է ստացված վմասվածքներից, հաղորդում է AFP-ն՝ վկայակոչելով Իվլին դեպարտամենտի իշխանություններին: Հարձակման համար պատասխանատավությունը ստանձնել է «Իսլամական պետություն» խմբավորումը:
AFP-ն ոստիկանության աղբյուրին վկայակոչելով հաղորդում է, որ այժմ քննությունը փորձում է պարզել՝ արդյոք խոսքն ահաբեկչական հարձակման մասին է:
Europe 1 ռադիոկայանն իր հերթին հարձակման ականտեսներին վկայակոչելով հաղորդում է, որ 1982 թվականին ծնված տղամարդը առավոտյան ժամը 10-ին մտել է Կամիյ Կլոդել փողոցի տներից մեկը, իսկ տաս րոպեից դուրս է եկել դանակներով ձեռքին եւ գոռալով «Ալահ Աքբար»: Այդ ժամանակ ոստիկանները, որոնք ժամանել էին դեպքի վայր, կրակել են հարձակվողի վրա՝ լրջորեն վնասելով նրան:
Միաժամանակ Europe 1-ը նշում է, որ այս փուլում քննիչները հակված են հարձակման կենցաղային վարկածին, քանի որ հանցագործության զոհեր են դարձել հարձակվողի հարազատները:
Ավելի ուշ France 2-ը հեռուստաալիքը ոստիկանության աղբյուրին վկայակոչելով հաղորդել էր, որ մահացածները հարձակվողի մայրն ու քույրն են:
Վերսալեսի դատախազությունը սկսել է միջադեպի հետաքնությունը, մինչ նրան չի միացել վարչության հակաահաբեկչական բաժինը:
Միեւնույն ժամանակ, «Իսլամական պետություն» խմբավորումը արդեն պատասխանատվություն է ստանձնել հարձակման համար, հաղորդում է AFP-ն:
Հարձակվողը 2016-ից ներառված է եղել այսպես կոչված S ցուցակում, ուր ընդգրկվում են պետական անվտանգության համար վտանգ ներկայացնող անձինք: Նրան կասկածում էին ահաբեկչության աջակցության մեջ: Սակայն ՆԳ նախարարի խոսքով, խոսքն ավելի շատ հոգեպես անհավասարակշիռ մարդու մասին է, քան ահաբեկչական խմբավորման անդամի:
AFP հաղորդմամբ հենց Տրապից, որի բնակչությունը կազմում է մոտ 30 հազար մարդ, ԻՊ զինյալներին աջակցելու համար Սիրիա եւ Իրաք են մեկնել մոտ 50 մարդ: