«Օրինաց երկիր» կուսակցությունը եւս կմասնակցի Երեւանի ավագանու ընտրություններին: Այս առնչությամբ, ՕԵԿ տարածած հայտարարության մեջ ասվում է.
«Օգոստոսի 23-ին տեղի է ունեցել «Օրինաց երկիր» կուսակցության քաղաքական խորհրդի ընդլայնված նիստը: Նիստում միաձայն որոշում է կայացվել 2018 թ. սեպտեմբերի 23-ին կայանալիք Երեւան քաղաքի ավագանու ընտրություններին մասնակցության մասին` «Մենք ենք ու մեր Երեւանը» կարգախոսով: Քաղաքական խորհրդի որոշմամբ` ընտրական ցուցակը կգլխավորի ՕԵԿ փոխնախագահ Մհեր Շահգելդյանը:
Տեղեկացնում ենք նաեւ, որ երկուշաբթի, օգոստոսի 27-ին, ժամը 12:00-ին ՕԵԿ գրասենյակում տեղի կունենա մամուլի ասուլիս: Հրավիրում ենք զանգվածային լրատվության բոլոր միջոցների ներկայացուցիչներին»:
