ԱՄՆ-ում քննադատել են Եվրամիության որոշումը Իրանին 18 միլիոն եվրո օգնություն հատկացնելու մասին։ Այս մասին հայտարարել է Իրանի հարցերով ԱՄՆ հատուկ ներկայացուցիչ Բրայան Հուքը, նրա խոսքերը հրապարակել է Պետդեպարտամենտը, փոխանցում է DW-ն։

«Այդ որոշումը սխալ ժամանակ արված սխալ ուղերձ է»,-ասել է Հուքը՝ հավելելով, որ այդ գումարները Իրանի բնակչությանը օգնելու փոխարեն ծառայելու են ահաբեկչական գործողություններ իրականացնելու համար։

Օգոստոսի 23-ին Եվրահանձնաժողովը հավանություն է տվել 18 միլիոն եվրոյի (21 միլիոն դոլարից մի քիչ պակաս) օգնության առաջին փաթեթին Իրանի տնտեսական եւ սոցիալական զարգացմանը աջակցելու համար, այդ թվում` 8 միլիոն եվրո՝ մասնավոր հատվածին օգնելու համար: Սա առաջին քայլն է երկրի համար 50 միլիոն եվրոյի լայնածավալ օգնության փաթեթի շրջանակներում։