«Սասնա ծռերի» գործողություններում չկա այն հանցակազմը, որոնցում նրանք մեղադրվում են: Այս մասին NEWS.am-ի հետ զրույցում ասաց գործով պաշտպան Լիպարիտ Սիմոնյանը:
«Ապստամբելու իրավունքը բնական իրավունք է, որն իրականացրել են «Սասնա ծռեր» խմբի անդամները, եւ բնական է, որ նրանք պետք է օգտվեն մարդասիրական իրավունքից»,- ասաց պաշտպանը:
Նա նշեց, որ Վարուժան Ավետիսյանի հորդորը՝ դադարեցնել քրական հետապնդումը խմբի անդամների նկատմամբ եւ մարդասիրական իրավունք կիրառել, պետք է քննության առարկա դառնա դատարանում:
Լիպարիտ Սիմոնյանը նոր իրավիճակում հնարավոր համարում է մարդասիրական իրավունքի քննարկումը:
Նշենք, որ երեկ Արդարադատության նախարար Արտակ Զեյնալյանը լրագրողների հետ զրույցում ասել էր, որ դեռ պատրաստ չէ միանշանակ եւ վերջնական պատասխան ու գնահատական տալ «Սասնա ծռերի» կոչին՝ մարդասիրական քայլ անել ու դադարեցնել իրենց նկատմամբ հետապնդումը:
Կարելի է միանգամից ասել՝ ոչ, բայց մարդիկ բան են խնդրել, պետք է ուսումնասիրել. Զեյնալյանը՝ «Սասնա ծռերի» կոչի մասին