Քիշնեւի կենտրոնում բողոքի ակցիայի մասնակիցները բանաձեւ են ընդունել, որով պահանջում են վարչապետ Պավել Ֆիլիպի հրաժարականը, չեղարկել հարկային համաներման մասին օրենքը եւ դադարեցնել ընդդիմության քաղաքական հետապնդումը: Այս մասին հաղորդում է «ՌԻԱ Նովոստի»-ն:
PDA-ի առաջնորդ Անդրեյ Նեստասան իր կողմնակիցներին կոչ է արել գալ բողոքի ակցիային եւ պահանջել ճանաչել Քիշնեւի քաղաքապետի ընտրությունների արդյունքները, վերացնել խառը ընտրական համակարգը եւ հեռացնել քվեարկության արդյունքները չճանաչած դատավորներին: Հանրահավաքի մասնակիցները մտադիր են վրաններ տեղադրել՝ հրապարակում գիշերելու եւ օգոստոսի 27-ին Անկախության օրը այնտեղ դիմավորելու համար:
