Գերմանացի լրագրող Մեշալե Տոլուն վերադարձել է Գերմանիա այն բանից հետո, երբ Թուրքիայի դատարանը չեղարկել է երկրից դուրս գալու արգելքը, փոխանցում է «ՌԻԱ Նովոստի»-ն։

Ձախ հոսանքին հետեւող տեղեկատվական ԷԹՆԱ գործակալությունում աշխատող Տոլուն Թուրքիայում կալանավորվել է նախորդ տարվա մայիսին ահաբեկչություն քարոզելու մեղադրանքով, իսկ դեկտեմբերին նրան ազատ են արձակել ստորագրությամբ չհեռանալու մասին։ Ապրիլի 20-ին լրագրողը հայտնել է, որ Թուրքիայի դատարանը չեղարկել է երկրի սահմանները լքելու արգելքը։

Գերմանիա ժամանելուց հետո նա մամուլի ասուլիսով է հանդես եկել, որի ժամանակ հայտարարել է, որ իր հարյուրավոր գործընկերներ, ընդդիմադիրներ եւ ուսանողներ շարունակում են բանտերում մնալ։

Նա հայտնել է նաեւ, որ մտադիր է կրկին մեկնել Թուրքիա իր դեմ հետագա դատական գործընթացներին մասնակցելու համար։