News
Լրահոս
News
Ուրբաթ
Մարտ 29
Տեսնել լրահոսը

ՀՀԿ փոխնախագահ Ռազմիկ Զոհրաբյանը խոստովանել է, որ Հանրապետական եւ «Բարգավաճ Հայաստան» կուսակցությունների միջեւ «լարվածություն եւ տարաձայնություններ» կան:

Նրա պարզաբանմամբ, դրա պատճառն այն է, որ հայտնի գործարար Գագիկ Ծառուկյանի ղեկավարած «Բարգավաճ Հայաստան» կուսակցությունը առայժմ չի հստակեցրել, թե արդյոք առաջիկա նախագահական ընտրություններում սատարելո՞ւ է գործող նախագահ Սերժ Սարգսյանի թեկնածությունը, թե՞ սեփական թեկնածուն է առաջադրելու: Ավելին, անցած տարի Գագիկ Ծառուկյանը հայտարարել էր, որ 2012-ի խորհրդարանական ընտրություններում փորձելու է ստանալ ընտրողների ձայների մեծամասնությունը` 50+1 տոկոսը:

«Իրենք (ԲՀԿ-ն) իրավունք ունեն: Պարզապես եթե ճշգրտված լիներ` այլ հարաբերություններ կլիներ», - «Ազատություն ռադիոկայանի» հետ զրույցում ասել է Զոհրաբյանը: Նա տեղեկացրել է, որ իրենք փորձել են ճշտել, թե ո՞ւմ թեկնածությունն է ԲՀԿ-ն սատարելու 2013-ի նախագահական ընտրություններում, բայց հստակ պատասխան չեն ստացել:

«Իրենք ասել են, որ 2012 թվականից հետո իրենք կասեն այդ մասին», - նշեց Զոհրաբյանը` հավելելով, թե Հանրապետականը, անշուշտ, կուզենար, որ ԲՀԿ-ն սատարեր իրենց թեկնածուին` նախագահ Սերժ Սարգսյանին, ինչպես այդ մասին արդեն հայտարարել է իշխող կոալիցիայի մաս կազմող ՕԵԿ-ը:

Հիշեցնենք, որ ԲՀԿ-ի եւ ՀՀԿ-ի հարաբերությունների միջեւ լարվածությունը ակնհայտ երեւաց այն ժամանակ, երբ օրերս Գագիկ Ծառուկյանը հայտարարեց, թե ցանկության դեպքում Ռոբերտ Քոչարյանը վաղուց կարող էր գլխավորել ՀՀԿ-ն, ինչին հետեւեցին Հանրապետական կուսակցության կոշտ հայտարարությունները: Երեկ՝ փետրվարի 2-ին ԲՀԿ առաջնորդը հանդես է եկել հայտարարությամբ` վստահեցնելով, որ չի ցանկացել վիրավորել ո՛չ Հանրապետական կուսակցությանը, ո՛չ էլ ՀՀԿ-ի նախագահին:

Այս պարզաբանման վերաբերյալ, Ռազմիկ Զոհրաբյանը նշել է, որ Գագիկ Ծառուկյանի հայտարարությունից հետո խնդիրը կարելի է փակված համարել եւ «քաղաքական քարկոծություն» այլեւս տեղի չի ունենա:

«Բայց ես չեմ կարող երաշխիքներ տալ, որ մինչեւ 2012 թվականի մայիսը այլեւս չի լինի», - «Ազատությանն» ասել է Զոհրաբյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իմ անունից տարածվում են կեղծ տեղեկություններ. Լեւոն Քոչարյան
Այս ամենի նպատակը մարդկանց մոլորեցնելն է: Խնդրում եմ եղեք ուշադիր եւ հետեւեք իմ պաշտոնական էջերին...
«Հրապարակ». Ոսկեպարցիներն անհամբեր սպասում են
Երեկ փորձեցինք վարչապետի խոսնակից տեղեկանալ՝ նախատեսվո՞ւմ է արդյոք Տավուշ այց, ինչպեսեւ խոստացել...
«Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք
Այս հիմնադրամին ամեն տարի ՀՀ կառավարության որոշմամբ պարբերաբար փոխանցվել են միլիոնավոր դոլարներ...
«Հրապարակ». Իշխան Սաղաթելյանի հոր նկատմամբ դատախազությունը հարուցել է քրեական հետապնդում
Ակնհայտ է, որ ընտանիքիս անդամներին հետապնդելով՝ փորձում են ինձ վրա ճնշում բանեցնել, որը չի ստացվի, սա ո՛չ...
«Իրավունք». Նիկոլ Փաշինյանի նյարդերը տեղի են տվել
Հրահանգել է, որ պարտադիր հանդիպումներ ունենան արցախահայերի հետ ու համոզեն, որ սուս նստելու դեպքում...
«Հրապարակ». Դիանա Գալոյանը նոր պաշտոն կստանա՞
Խոսքը, մասնավորապես, «Ամբերդ» հետազոտական կենտրոնի մասին է, որի ղեկավարը ներկայում Դավիթ...
Ամենաշատ