Երեւանի Հանրապետության հրապարակում քիչ առաջ լարված իրավիճակ էր. ոստիկանների ու փողոցում առեւտուր անողների միջեւ միջադեպ է գրանցվել: Առեւտրականները NEWS.am-ի թղթակցին հայտնել են, որ ոստիկանները քաշքշելով, հագուստը պատռելով ոստիկանության բաժին են տարել առեւտուր անող մի կնոջ:
Ասում են՝ հրապարակում խաղալիք են վաճառում, բայց մի քանի օր է՝ ոստիկանները թույլ չեն տալիս, հետապնդում են իրենց:
Իրարանցման ընթացքում կանանցից մեկի ինքնազգացողությունը վատացել է, շտապ օգնություն են կանչել:
Առեւտրականները հայտարարում են, որ բարոյական վնասի փոխհատուցում են պահանջելու: