Հայաստանը կօգտագործի վետոյի իրավունքը, եթե Ադրբեջանը հայտարարի ՀԱՊԿ-ին անդամակցելու իր մտադրության մասին: Այս մասին օգոստոսի 28-ին կայացած մամուլի ասուլիսին հայտարարեց Հայաստանի արտգործնախարարության մամուլի քարտուղարի պաշտոնակատար Աննա Նաղդալյանը: Նա հիշեցրեց, որ ՀԱՊԿ-ի, ինչպես նաեւ ԵԱՏՄ-ի դեպքում, որոշումներն ընդունվում են մասնակից երկրների կողմից փոխհամաձայնության հիման վրա:
«Հայկական կողմը հայտնել է իր կարծիքը: Չեմ կարծում, որ այն առիթ է տալիս երկակի մեկնաբանության համար»,- նշեց Աննա Նաղդալյանը:
Միեւնույն ժամանակ, նա հիշեցրեց, որ Ադրբեջանի՝ ՀԱՊԿ-ին անդամակցության հնարավորության մասին քննարկումները տեղի են ունենում վերլուծական շրջանակներում: «Եթե նման հարց դրվի օրակարգում, Հայաստանը կօգտագործի վետոյի իրավունքը»,- ընդգծեց Աննա Նաղդալյանը: