News
Լրահոս
News
Ուրբաթ
Մարտ 29
Տեսնել լրահոսը


Ազգային ժողովը թույլ չի տա, որ որեւէ մեկը՝ լինի դատական իշխանություն, թե գործադիր իշխանություն, մատ թափ տալ Ազգային ժողովի վրա: Այս մասին, այսօր՝ օգոստոսի 28-ին, ԱԺ-ում լրագրողների հետ զրույցում նշեց ԱԺ փոխախագահ, ՀՀԿ մամուլի խոսնակ Էդուարդ Շարմազանովը:

Անդրադառնալով ՀՀ վարչապետ Նիկոլ Փաշինյանի եւ ԱԺ նախագահ Արա Բաբլոյանի նախօրեին կայացած հանդիպմանը նա ասաց. «Ամենակարեւորը՝ ֆիքսվեց շատ կարեւոր բան. Նախ, Հայաստանում բազմակարծությունը, այլակարծությունն ու խոսքի ազատությունը աներկբա փաստ է, երկրորդ, դատական համակարգը, օրենսդիր եւ գործադիր համակարգերը իշխանության առանձին ճյուղեր են եւ որեւէ մեկը չի կարող մտնել մյուսի ֆունկցիայի մեջ: Սա Սահմանադրությամբ է սահմանված: Երրորդ, հայաստանում անցումային արդարադատության անցնելու ամբողջական հիմքեր չկան, դրա համար որեւէ պայման ու անհրաժեշտություն չկա, եւ արդարադատության համակարգն իրեն չի սպառել: Չորրորդ, արտահերթ ընտրությունների հետ կապված կերկխոսենք, կտեսնենք: Եթե պետք է դա լինի, կքննարկենք, թե որ ճանապարհով գնանք, կարելի է քննարկել նաեւ հանրաքվեով գնալու տարբերակը: Սրանք տարբերակներ են, ես միշտ էլ մտածել եմ, որ իմ կարծիքը չպետք է բոլորի համար դոգմա լինի»,-ասաց Շարմազանովը:

Հարցին, թե ԱԺ-ն կհամաձայնի՞ վարչապետի առաջարկած սահմանադրական փոփոխությունների, որից հետո կգնա ինքնալուծարման, ՀՀԿ խոսնակը պատասխանեց. «Ես Փաշինյանի ելույթին արձագանքել եմ եւ շատ խիստ քննադատել եմ, որ այն ամենը, որի համար Փաշինյանը քննադատում էր նախկին իշխանություններին, որ մենք մեր իշխանությունը պահելու, աթոռը պահելու համար սահմանադրական փոփոխությունների է գնում, հիմա ինքը գնում է նույն ճանապարհով: Ի՞նչ է նշանակում խորհրդարանն ինքնալուծարվի: Մենք կուսակցությունում չենք քննարկել: Ես իմ դիրքորոշումը հայտնել եմ, որ դեմ եմ նման ինքնալուծարումների, ինչ է թե Պողոսը կլինի, թե Պետրոսը, վարչապետի իր պաշտոնը պահի: Կտեսնենք, կքննարկենք, բայց այնպես չէ, որ իմ կարծիքը ՀՀԿ-ում միակն է»:

Նշենք, որ օգոստոսի 17-ին Հանրապետության հրապարակում հանրահավաքի ժամանակ ՀՀ վարչապետ Նիկոլ Փաշինյանը հայտարարել էր, որ իրենք կարող են սահմանադրական փոփոխություններ նախաձեռնել, որը թույլ կտա, որ առանց վարչապետի հրաժարականի հնարավոր լինի ցրել Ազգային ժողովը եւ անցկացնել արտահերթ ընտրությունները:

Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ