ԱՄՆ Պետդեպարտամենտի իրավախորհրդատու Ջենիֆեր Նյուսթեդը Միջազգային դատարանի դատավորներին կոչ է արել մերժել այս տարվա մայիսին ԱՄՆ կողմից կիրառված պատժամիջոցները կասեցնելու մասին Իրանի խնդրանքը, հայտնում է AP-ն
Նյուսթեդը նշել է, որ Թեհրանի գործողությունները սպառնալիք են պարունակում ԱՄՆ-ի ազգային անվտանգության համար, եւ պատժամիջոցները վերսկսելու անհրաժեշտություն կապված է հենց դրա հետ: Պաշտոնյանը նաեւ կարծիք է հայտնել, որ ՄԱԿ-ի շրջանակներում այդ հարցը լուծելու Իրանի փորձերը անհիմն են:
Հիշեցնենք, որ Իրանը դատական հայց էր ներկայացրել հուլիս ամսին՝ վիճարկելով ԱՄՆ պատժամիջոցները: Թեհրանը պնդում է, որ պատժամիջոցները խախտում են 1955 թվականի երկկողմ համաձայնագիրը, որը հայտնի է որպես երկրների միջեւ տնտեսական եւ դիվանագիտական հարաբերությունները կարգավորող բարեկամական պայմանագիր:
