Մոսկվայի ոստիկանության աշխատակիցները Մոսկվայի կենտրոնում Ադրբեջանի քաղաքացու են ձերբակալել, որը կասկածվում է մի շարք հանցագործությունների, այդ թվում՝ ահաբեկչության համար, հայտնում է «ՏԱՍՍ»-ը՝ վկայակոչելով աղբյուրն իրավապահ մարմիններում:
«Օգոստոսի 28-ին Պետրովկա փողոցի վրա մայրաքաղաքային ոստիկանության շենքի դիմաց փաստաթղթերը ստուգելու ժամանակ ձերբակալվել է 1964 թվականին ծնված 38-ամյա Օրուջեւ Էլդար Զուբեիր օղլուն: Պարզվել է, որ նա հետախուզման մեջ է գտնվում այդ երկրի իշխանությունների կողմից՝ մի շարք հանցագործությունների մեղադրանքով»,- հայտնել է աղբյուրը:
Հաղորդվում է, որ ձերբակալվածին կասծակում են նաեւ ահաբեկչությանը, զենքի ապօրինի վաճառքին, սպանություններին, առողջությանը լուրջ վնաս պատճառելուն, կողոպուտին եւ իշխանության բռնազավթմանը ներգրավվածության համար:
«Օրուջեւի նյութերը փոխանցվել է դատախազություն` նրան Ադրբեջանին արտահանձնելու հարցը լուծելու համար»,- եզրափակել է աղբյուրը:
