Մինչեւ մեկ տասնյակ գործեր ենք ուղարկել դատախազություն կապված ուսումնարանների եւ դպրոցների հետ, ընթացքում էլ երբ բացահայտում ենք, անմիջապես իրավապահներին ենք ուղարկում: Այս մասին այսօր՝ օգոստոսի 29-ին, լրագրողների հետ զրույցում ասաց ՀՀ Կրթության եւ գիտության նախարար Արայիկ Հարությունյանը:
«Դա իրավապահների գործն է, միայն այն դեպքում երբ մենք մեր ներքին ստուգումների արդյունքում խախտումներ ենք հայտնաբերում, մենք դա անմիջապես իրավապահներին ենք փոխանցում եւ նույնիսկ ընթացքին էլ չենք հետեւում»,-ասաց նա:
