Իրանական կառավարությունը չպետք է հույսեր կապի Եվրոպայի հետ Իրանի միջուկային համաձայնագրի պահպանման կամ երկրի տնտեսության ամրապնդման հարցում: Այս մասին հայտարարել է Իրանի Իսլամական Հանրապետության հոգեւոր առաջնորդ Այաթոլլա Ալի Սեյեդ Խամենեին, փոխանցում է Tasnim-ը:
Նշելով, որ Իրանի միջուկային համաձայնագիրը ազգային շահերի պաշտպանության գործիք է՝ Խամենեին ընդգծել է, որ եթե Իրանը գա այն եզրակացության, որ այդ գործիքը չի ծառայում ազգային շահերի պաշտպանությանը, ապա կհրաժարվի համաձայնագրից:
«Իրանի վարչակազմի հայտարարություններն ու գործողությունները պետք է ստիպեն եվրոպացիներին հասկանալ, որ իրենց քայլերը համաչափ արձագանքի կարժանանան Իրանի Իսլամական Հանրապետության կողմից»,- ասել է նա: