News
Լրահոս
News
Երեքշաբթի
Ապրիլ 23
Տեսնել լրահոսը

«Լիդիան Արմենիա» ընկերության կողմից Ամուլսարի հանքավայրից օգտակար հանածոների առերևույթ ապօրինի արդյունահանման փաստի առթիվ քրեական գործ է հարուցվել:

Այս առնչւթյամբ ՀՀ գլխավոր դատախազության տարածած հաղորդագրության մեջ ասվում է.

«ՀՀ բնապահպանության նախարարության բնապահպանության եւ ընդերքի տեսչական մարմնի ղեկավարի կողմից ՀՀ գլխավոր դատախազություն է ներկայացվել տեսչական մարմնի ղեկավարի 04.07.2018թ. եւ 17.07.2018թ. հանձնարարագրերի հիման վրա «Լիդիան Արմենիա» ՓԲ ընկերությունում իրականացված ստուգման արդյունքներով կազմված փաստաթղթերը՝ ընկերության կողմից ապօրինի, առանց ընդերքօգտագործման իրավունքի լեռնային զանգվածի տեղահանման փաստերի վերաբերյալ:

Դրա հիման վրա ՀՀ գլխավոր դատախազության պետական շահերի պաշտպանության վարչության կողմից կատարվել է ուսումնասիրություն, ինչի նպատակով տեսչական մարմնից պահանջվել եւ ստացվել են անհրաժեշտ լրացուցիչ փաստաթղթեր եւ տեղեկատվություն:

Ուսումնասիրության արդյունքում պարզվել են Վայոց Ձորի մարզի Ջերմուկ համայնքի Ամուլսարի ոսկեբեր երկրորդային քվարցիտների հանքավայրի լեռնահատկացման ԼՎ-245 ակտի սահմաններում ընկերության կողմից ընդերքի ապօրինի օգտագործման փաստեր:

Մասնավորապես, «Լիդիան Արմենիա» ՓԲ ընկերության կողմից օգտակար հանածոյի արդյունահանման պայմանագրի եւ նախագծի պայմանների շեղումներով, ապօրինի, առանց ըդերքօգտագործման իրավունքի շուրջ 3 հեկտար մակերեսով տարածքից՝ 0,5-10 մետր խորությամբ տարհանվել է բազալտանման լեռնային զանգված եւ 2  հեկտար մակերեսով տարածքից՝ 0,5-8 մետր խորությամբ՝ կավանման լեռնային զանգված: Դրա հետեւանքով, շրջակա միջավայրին, ընդերքին, դրանում պարփակված օգտակար հանածոներին պատճառվել է էական՝ ընդհանուր առմամբ շուրջ 18 միլիոն դրամի վնաս:

Նկատի ունենալով, որ արձանագրված խախտումներն առերեւույթ պարունակում են հանցագործության հատկանիշներ՝ ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ ՀՀ քրեական օրենսգրքի 291-րդ հոդվածի 2-րդ մասով նախատեսված՝ ընդերքի օգտագործման եւ պահպանության կանոնների խախտմամբ կամ համապատասխան նախագծերի շեղումներով կամ առանց պայմանագրի ընդերքի օգտագործման եւ դրա հետեւանքով շրջակա միջավայրին, ընդերքին, դրանում պարփակված օգտակար հանածոներին էական վնաս պատճառելու հանցագործության հատկանիշներով:

Նախաքննության կատարումը հանձնարարվել է ՀՀ քննչական կոմիտեին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կիպրոսի ոստիկանությունը երեք ֆիլիպինուհիների սպանությունից հետո ուսումնասիրում է սերիական մարդասպանի վարկածը
Ոստիկանությունը կարծում է, որ նրանք կասկածյալի հետ ծանոթացել են առցանց ծանոթությունների կայքում․․․
Ավերված Մոսուլի պաշտոնյաները ավելի քան 60 մլն դոլար են յուրացրել
Հանձնաժողովի հայտարարության մեջ նշվում է, որ «Ակուբի մտերիմ» պաշտոնյաները գողացել են միջոցները, Ակուբն ինքը չի մեղադրվում․․․
Նոր Խարբերդում տղամարդը ծեծել է մորը և հղի կնոջը
Ծեծի մասին իրավապահներին հայտնել է հենց կինը…
Ալժիրում հակակոռուպցիոն հետաքննությունների շրջանակներում հինգ միլիարդատեր է ձերբակալվել
Լրատվամիջոցի տեղեկատվությամբ, ձերբակալվածներից ոմանք սերտ կապերի մեջ են հրաժարական տված նախագահ Աբդելազիզ Բուտեֆլիկայի հետ․․․
Կեղծ փաստաթղթերով վարկ է ձեւակերպել եւ հափշտակել 2.920.000 ՀՀ դրամ. ՔԿ
Նախնական տվյալներով՝ 2018 թվականի սկզբին, երեք քաղաքացիներ ուրիշի գույքը հափշտակելու նախնական համաձայնությամբ...
Կու-կլուքս-կլանի առաջնորդի կինը խոստովանել է ամուսնու սպանությունը
Ֆրենք Անկոնա-կրտսերն անվանել էր ինքն իրեն Կու-Կլուքս-կլանի կայսերական մոգ…