ՌԴ նախագահ Վլադիմիր Պուտինը եւ ՀՀ նախկին նախագահ Ռոբերտ Քոչարյանը երկար տարիներ լավ հարաբերություններ են պահպանում, որոնց վրա Հայաստանում տեղի ունեցող որեւէ իրադարձություն ազդեցություն չունի: Այդ մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը՝ նրանց խնդրանքով մեկնաբանելով Պուտինի եւ Քոչարյանի միջեւ տեղի ունեցա հեռախոսազրույցը, փոխանցում է «ՏԱՍՍ»-ը:
«Դուք գիտեք, որ Պուտինն ու Քոչարյանը լավ հարաբերություններ են պահպանում երկար տարիներ, որոնց վրա Հայաստանում տեղի ունեցող որեւէ իրադարձություն ազդեցություն չունի»,- ասել է Պեսկովը: Պատասխանելով հարցին՝ արդյոք ՌԴ նախագահը Քոչարյանի հետ քննարկել է նրա նկատմամաբ քրեական հետապնդման թեման, խոսնակը բացասական պատասխան է տվել. «Ո՛չ»: