Աֆղանստանի Զաբուլ նահանգում ավիահարվածների հետեւանքով վերացրել են «Թալիբան» արմատական շարժման երկու բարձրաստիճան հրամանատարների, փոխանցում է «Սինհուա» գործակալությունը՝ վկայակոչելով նահանգի ոստիկանության պետ Մուսթաֆա Մայարին:
Գործակալության տեղեկություններով՝ ԱՄՆ հրամանատարությամբ կոալիցիայի կործանիչը ուրբաթ Կալաթ քաղաքում հարձակվել է թալիբների թաստոցի վրա, թալիբների 2 հրամանատարները՝ Մուլլահ Ասադը եւ Մուլլահ Սանգարին վերացվել են, եւս մի քանի մարդիկ տուժել են:
2001 թվականին ԱՄՆ-ն Աֆղանստանում սկսել է հակաահաբեկչական ռազմական գործողությունը, ավելի ուշ երկրում ՄԱԿ ԱԽ պատժամիջոցի համաձայն՝ ՆԱՏՕ-ի հրամանատարությամբ ծավալվել են անվտանգության ապահովման միջազգային ուժերը (ISAF): ԱՄՆ եւ ISAF հրամանատարությամբ հակաահաբեկչական կոալիցիան պայքար է մղել «Թալիբան» շարժման եւ «Ալ Քաիդա» խմբավորման գրոհայինների դեմ:
2014 թվականին ՆԱՏՕ-ի երկրների ռազմական զորակազմը Աֆղանստանից դուրս է բերվել, եւ 2015-ի հունվարի 1-ից ռազմական գործողությանը փոխարինել է «Վճռական աջակցություն» ոչ ռազմական առաքելությունը:
