Ռուսաստանը մտադիր է շարունակել աջակցությունը ղարաբաղյան հակամարտության կարգավորմանը: Այս մասին Ռուսաստանի նախագահ Վլադիմիր Պուտինը հայտարարել է Ադրբեջանի նախագահ Իլհամ Ալիեւի հետ բանակցությունների արդյունքներով, փոխանցում է ՏԱՍՍ-ը:
«Մենք կարծիքներ ենք փոխանակել միջազգային եւ տարածաշրջանային խնդիրների շուրջ: Մասնավորապես, բնականաբար, անդրադարձել ենք նաեւ Լեռնային Ղարաբաղի խնդրին: Ռուսաստանը՝ որպես Մինսկի խմբի համանախագահ երկիր, կշարունակի հնարավոր աջակցություն ցույց տալ այս հակամարտության խաղաղ կարգավորմանը»,- ասել է ՌԴ նախագահը: