«Բոկո Հարամ» արմատական խմբավորման զինյալները հարձակվել են Նիգերիայի հյուսիսում գտնվող ռազմակայանի վրա, որի հետեւանքով զոհվել է 30 զինվորական: Այս մասին հաղորդում է Ֆրանս Պրես գործակալությունը՝ հղում անելով երկրի զինված ուժերում աղբյուրին, հաղորդում է «ՌԻԱ Նովոստին»:
««Բոկո Հարամ»-ի ահաբեկչների հետ մարտում մենք կորցրել ենք առնվազն 30 մարդ: Հինգշաբթի ժամը 16:00-ին նրանք հարձակվել էին Զարի քաղաքում (Նիգերի հետ սահմանի մոտ-խմբ.) մեր զորքերի վրա»,- ասել է ռազմական աղբյուրը:
Նիգերիայում գործող «Բոկո Հարամ» արմատական իսլամիստական խումբը դեմ է արեւմտյան կրթական մոդելին եւ ամբողջ երկրում շարիաթի ներդրման է ձգտում: Իրավապաշտպան կազմակերպությունների տվյալներով, ութ տարիների ընթացքում «Բոկո Հարամ»-ի ահաբեկիչների հետ կապված բռնի գործողություններում զոհվել է շուրջ 20 հազար մարդ:
