Դոնալդ Թրամփի ներկայացուցիչները Պաղեստինի առաջնորդ Մահմուդ Աբբասին առաջարկել են Մերձավոր Արեւելքում խաղաղ կարգավորման շրջանակներում կոնֆեդերացիա ստեղծել Հորդանանի հետ, հաղորդում է DW-ն:
Թրամփի ներկայացուցիչ Ջեյսոն Գրինբլատի եւ նախագահի խորհրդական Ջարեդ Քուշների հետ բանակցություններում Աբբասը հայտարարել է, որ համաձայն է Հորդանանաի կոնֆեդերացիային այն դեպքում, եթե Իսրայելը եւս ներառված լինի, գրում է իսրայելական «Հաարեց» թերթը:
Իսրայելի եւ Հորդանանի դիրքորոշումներն այս հարցում դեռ հայտնի չեն, ինչպես նաեւ այն, թե ինչպես կարող է գործել նման կոնֆեդերացիան եւ երբ այն կարող էր կազմակերպվել:
