Միացյալ Նահանգների եւ Իրանի նախագահներ Դոնալդ Թրամփը եւ Հասան Ռոհանին կարող են հրապարակային հանդիպում անցկացնել ՄԱԿ-ի Գլխավոր ասամբլեայի շրջանակներում: Այդ մասին հայտարարել է ՄԱԿ-ում ԱՄՆ մշտական ներկայացուցիչ Նիկի Հեյլին:
Նա նշել է, որ Թրամփը մտադիր է ղեկավարել Իրանի վերաբերյալ ՄԱԿ-ի Անվտանգության խորհրդի նիստը, եւ Հասան Ռոհանին հնարավորություն կունենա ներկա գտնվելու:
Նրա խոսքով, նիստի նպատակը լրացուցիչ ճնշում գործադրելն է Թեհրանի վրա: «Նախագահ Թրամփը շատ կտրուկ է, մենք պետք է ստիպենք Իրանին հետեւել միջազգային կանոններին», - ասել է նա, հավելելով, որ Իրանը շարունակում է խախտել ՄԱԿ-ի Անվտանգության խորհրդի բանաձեւերը եւ սպառնալիք ներկայացնել տարածաշրջանին: