News
Լրահոս
News
Չորեքշաբթի
Հոկտեմբեր 27
Տեսնել լրահոսը

Պետական վերահսկողության ծառայությունը այս ընթացքում հասցրել է ուսումնասիրություններ իրականացնել 6 ընկերություններում: Այս մասին, այսօր՝ սեպտեմբերի 5-ին, իր պաշտոնավարման 100 օրն ամփոփող ասուլիսի ժամանակ նշեց ՀՀ պետական վերահսկողության ծառայության ղեկավար Դավիթ Սանասարյանը:

Նրա խոսքով, իրենց թիմը համալրվել է պրոֆեսիոնալներով. «Իրականում դժվար է զբաղվել պրոֆեսիոնալ գործով և ստանալ ավելի քիչ, քան կարող էին ստանալ մասնավոր հիմնարկում։ Զրոյից կառույցն հիմնելը շատ դժվար, բայց կարեւոր ու հաճելի գործ է»,-ասաց նա:

Դավիթ Սանասարյանը տեղեկացրեց, որ ուսումնասիրություններ են իրականացրել «Բարձրավոլտ էլեկտրացանցեր» ընկերությունում, ոստիկանության ենթակայության տակ գործող «Լուսանշան» ՊՈԱԿ-ում:

«Վերջինս լուծարման պրոցեսում էր, դրա համար շտապ արեցինք մեր գործողությունները, որ հասցնենք, հետքերը շատ չվերանան: «Ուկրինվեստ»-ում ենք ուսումնասիրություն արել, «Հայրենիք-Սփյուռք» ՊՈԱԿ-ում, որի վերաբերյալ Քննչական կոմիտեն արդեն քրեական գործ է հարուցել:

Այս պահին ուսումնասիրություններ են ընթանում Հայաստանի ագրարային համալսարանում եւ ունենք արդեն արդյունքներ: ԵՊՀ-ում սկսեցինք ուսումնասիրությունները, բայց ամռանը դադարեցրինք, հիմա շարունակելու ենք: ԵՊՀ-ից վերցրել ենք փաստաթղթերը, սակայն բուն ուսումնասիրության գործընթացը կսկսենք ավելի ուշ, երբ կավարտենք ագրարայիան համալսարանում ուսումնասիրությունները: Բոլոր բուհեր մտնելու ենք: Նաեւ ամփոփում ենք Էջմիածին քաղաքի ուսումնասիրությունները»,- հայտարարեց նա՝ հավելելով, որ բոլոր այս կառույցներում, ըստ նախնական գնահատականների, հանցակազմ պարունակող իրավիճակներ կան, որոնց մասին կխոսեն իրավապահները:

Հարցին, թե այդ ուսումնասիրություններն ինչ արդյունքների են բրել, Դավիթ Սանասարյանն ասաց. «Առաջին արդյունքը, որ ունենք ԲԷՑ-ին ծառայություն մատուցող մեկ ընկերության նախահաշվային արժեքը 40 մլն դրամով նվազեցվել է: Այսինքն նա շարունակելու է ծառայություն մատուցել, բայց 40 մլն դրամով ավելի նվազ արժեքով: ԲԷՑ-ը ինքնակամ  140 մլն դրամ առաջիկայում պետական բյուջե կվերադարձնի, իրենք ընդունել են այդ պարտավորությունը»:

Նա ընդգծեց, որ առաջիկա օրերին ԲԷՑ-ից կվերադարձնեն մոտ 310 մլն դրամ, 100 մլն դրամ՝ «Հայրենիք-Սփյուռք» ՊՈԱԿ-ից, 210 մլն դրամ՝ «Լուսանշան» ՊՈԱԿ-ից, 1,5 մլն դոլար՝ ԲԷՑ-ին սպասարկող միջազգային կապալառու կազմակերպությունից, նաեւ 40 մլն դրամ եւս ԲԷՑ-ի հետ աշխատող կազմակերպությունից:

Պետական վերահսկողության ծառայության ղեկավարի խոսքով, իրենք ուսումնասիրությունների արդյունքները ներկայացնում են տվյալ կազմակերպությունների ղեկավարներին, վերջիններս գնահատական են տալիս: Դրա արդյունքում, ըստ Սանասարյանի, այդ կազմակերպություններն իրենք ցանկություն են հայտնում հատուցել պատճառված վնասը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արտերկրից գնումների դեպքում մաքսատուրք և հարկ չի գանձվում, եթե ապրանքի գինը ցածր է 200 եվրոյից, իսկ քաշը՝ 31 կգ-ից. ՊԵԿ
ՊԵԿ-ը սոցիալական հոլովակ է պատրաստել արտերկրից գնումներ կատարողների համար…
Մրցակցության պաշտպանության հանձնաժողովի պատվիրակությունը մեկնել է Վարշավա
ՄՊՀ անդամ Տիգրան Մարկոսյանը շնորհակալություն է հայտնել ջերմ հյուրընկալության, ծրագրի իրականացմանը ցուցաբերած աջակցության և երկկողմ...
Հայաստանի տնտեսական ակտիվության ցուցանիշը շարունակում է նվազել
Կանխատեսելի էր, որ գների շարունակվող աճի պայմաններում նվազում է ներքին առևտուրը, որը փաստում է նաև մեր բնակչության նվազող...
Հայաստանում հիմնադրված նոր սերնդի ավիացիոն բիզնես. Հարցազրույց YourJets-ի հիմնադիր Գուրգեն Ամբարյանի հետ (ֆոտո)
«YourJets»-ի հիմնադրումը ինձ համար մանկության երազանքի հետևից գնալու գործնական առաջին քայլն էր...
Նույնիսկ խառը կանաչին ու սոխը իրավիճակը չեն փրկում. Էլինար Վարդանյան
Բարձր գնաճը, ըստ ՀՀ Վիճակագրական կոմիտեի հրապարակած տվյալների, հունվար-սեպտեմբեր կտրվածքով հասել է 8.9 տոկոսի…
Դոլարի փոխարժեքը կայուն է. եվրոն էժանացել է
Թանկարժեք մետաղների համար բանկի կողմից սահմանվել են հետևյալ գները...
Ամենաշատ