Ուկրաինաական Գերագույն ռադայի պատգամավոր, «Կյանքի համար» կուսակցության առաջնորդ Վադիմ Ռաբինովիչը դատական հայց է ներկայացրել Ուկրաինայի խորհրդարանի խոսնակ Անդրեյ Պարուբիի դեմ ֆաշիզմի քարոզչության համար, հաղորդում է «Ուկրաինա 112» հեռուստաալիքը:
Ավելի վաղ Պարուբին հայտարարել էր, որ «գիտական մակարդակով ուղիղ ժողովրդավարություն» է ուսումնասիրել եւ կոչ էր արել չմոռանալ Ադոլֆ Հիտլերի ներդրումը դրա զարգացման գործում:
«Այսօր ես դատական հայց եմ ներկայացնում Պարուբիի դեմ ֆաշիզմի քարոզչության համար, որը մեր երկրում արգելված է»,- ասել է Ռաբինովիչը:
Նա նաեւ նշել է, որ Վերին Ռադայի նախագահը պետք է ներողություն խնդրի ուկրաինացիներից եւ հրաժարական տա: Նա շեշտել է, որ Ուկրաինայի քաղաքական գործիչները «բանակցելու ոչինչ չունեն» նրանց հետ, ով զբաղվում է ֆաշիզմի քարոզչությամբ:
