ԱՄՆ-ի եւ Հայաստանի միջեւ տնտեսական հարաբերություններн айюм բոլորովին նոր մակարդակի վրա են գտնվում: Երկրներն աշխատում են ներդրումների փոխադարձ պաշտպանության մասին համաձայնագրի ուղղությամբ, ինչը հնարավորություն կտա նոր ներդրումներ ներգրավել` ոչ միայն ԱՄՆ-ից, այլեւ այլ երկրներից: Այս մասին սեպտեմբերի 5-ին լրագրողներին ասաց Հայաստանի տնտեսական զարգացման եւ ներդրումների նախարար Արծվիկ Մինասյանը:
«Մենք արդեն երկրում ամերիկյան ներդրումների հաջողակ պատմություններ ունենք, եւ դա մեզ հույս ու վստահություն է ներշնչում, որ մենք կարող ենք կոնկրետ ներդրումներ ակնկալել ոլորտների առնվազն 80 տոկոսում, այդ թվում` բարձր տեխնոլոգիաների, թեթեւ արդյունաբերության եւ ծառայությունների ոլորտում»,- ասաց նախարարը: .
Արծվիկ Մինասյանը հավելեց, որ մինչեւ այս տարվա վերջ կամ մինչեւ հաջորդ տարվա կեսը Հայաստանը առեւտրային ներկայացուցչություն կունենա ԱՄՆ-ում, ինչը հնարավորություն կտա ավելի արդյունավետ աշխատել ինչպես ներդրողների,այնպես էլ բիզնես համայնքի հետ:
Պատասխանելով լրագրողների հարցերին այն մասին, թե ինչպես ԱՄՆ պատժամիջոցները Ռուսաստանի դեմ կարող են ազդել Հայաստանի տնտեսության վրա, նախարարը նշեց, որ ազդեցությունը կարող է լինել ինչպես բացասական, այնպես էլ դրական՝ նոր հնարավորություններ բացել Հայաստանի համար:
Հիշեցնենք, որ այսօր՝ սեպտեմբերի 5-ին, Հայաստանում ԱՄՆ դեսպանատունը եւ ԱՄՆ առեւտրային ծառայության մոսկովյան գրասենյակը հայակական IDBank-ի հետ միասին ֆրանչայզինգի առեւտրային հնարավորություններին նվիրված մեկօրյա համաժողով է անցկացնում:
Համաժողովը մի տանիքի տակ ավելի քան 50 հայ եւ ամերիկացի գործարարների է հավաքել՝ նպատակ ունենալով համագործակցության նոր հնարավորություններ ստեղծել: Ամերիկյան բիզնեսի ներկայացուցիչները հնարավորություն են ստացել ծանոթանալ Հայաստանում գործարար միջավայրի առանձնահատկություններին եւ ներկայացնել ֆրենչայզինգի իրենց տեսլականն այստեղ:
