ԱՄՆ նախագահ Դոնալդ Թրամփը շնորհակալություն է հայտնել Հյուսիսային Կորեայի առաջնորդ Կեմ Չեն Ընին իրեն «անվարան հավատալու» համար: Սպիտակ տան ղեկավարն այս մասին նշել է հինգշաբթի Twitter-ի իր էջում:
«Կիմ Չեն Ընը հայտարարել է «նախագահ Թրամփին անվարան հավատալու» մասին: Շնորհակալություն, նախագահ Կիմ: Մենք դա միասին կանենք»,- նշել է Թրամփը
Չորեքշաբթի Փհենյան այցելած Հարավային Կորեայի նախագահի հատուկ դեսպանորդ Չոն Ըյ Յոնը, որը հանդիպել էր Կիմ Չեն Ընին, այսօր Սեուլում կայացած ճեպազրույցում հայտնել էր, որ Հյուսիսային Կորեայի առաջնորդն առաջիկա մի քանի տարիներին ԱՄՆ-ի հետ հարաբերությունների զգալի բարելավման հույս ունի: Հատուկ դեսպանորդի խոսքով՝ Կիմ Չեն Ընն ասել էր, որ «վստահում է ԱՄՆ նախագահ Դոնալդ Թրամփին եւ հույս ունի, որ նրա նախագահության առաջին ժամկետում Փհենյանը եւ Վաշինգթոնը կկարողանան հաղթահարել 70-ամյա թշնամությունը եւ իրականացնել Կորեական թերակղզու ապամիջուկայնացումը»: