ՀՀ-ԵՄ Համապարփակ եւ ընդլայնված գործընկերության համաձայնագրի եւ ՀՀ-ԵՄ Գործընկերության առաջնայնություններ փաստաթղթի կիրարկումն ապահովող միջոցառումները համակարգող միջգերատեսչական հանձնաժողովի նախագահ, փոխվարչապետ Մհեր Գրիգորյանի գլխավորությամբ կայացել է հանձնաժողովի հերթական նիստը: Այս մասին տեղեկանում ենք ՀՀ կառավարությունից:
Քննարկվել են ՀԸԳՀ՝ առեւտրին առնչվող գլուխները: Հիմնական զեկուցող, տնտեսական զարգացման եւ ներդրումների նախարարի տեղակալ Մանե Ադամյանը ներկայացրել է առեւտրի ոլորտում ճանապարհային քարտեզի նախագծի ձեւավորման ուղղությամբ տարվող աշխատանքների ընթացքը:
Նիստի մասնակիցներն անդրադարձել են առեւտրի ոլորտում իրենց մարմիններին առնչվող պարտավորությունների կատարման ուղղությամբ տարվող աշխատանքներին: Քննարկվել են նաեւ միջգերատեսչական հանձնաժողովի հետագա աշխատանքների կազմակերպմանը վերաբերող հարցեր: