ՆԱՏՕ-ն պատրաստ է ընդունել Մակեդոնիային, հայտարարել է կազմակերպության գլխավոր քարտուղար Յենս Ստոլտենբերգը, հաղորդում է Reuters-ը:
Սեպտեմբերի 30-ին նախատեսված հանրաքվեն կարող է ՆԱՏՕ-ի 30-րդ անդամ դառնալու ճանապարհին որոշիչ քայլ դառնալ Մակեդոնիայի համար:
Հանրաքվեի ժամանակ նաեւ որոշվելու է պետության վերանվանման հարցը:
Հունիսին ՆԱՏՕ-ն Մակեդոնիային առաջարկել էր դաշինքին միանալու մասին բանակցություններ սկսել, բայց գործընթացի ավարտի համար անհրաժեշտ է սահմանադրական փոփոխություններ կատարել:
Ազգայնականները, այդ թվում նախագահ Գեորգի Իվանովը, դեմ են գործարքին, նշելով, որ այն հակասում է Սահմանադրությանը: