Անհայտ անձինք WhatsApp-ի միջոցով օգտատերերին պոռնո նկարներ են ուղարկել: Նրանց հիմնական թիրախը երեխաներն են դարձել: Այս մասին բրիտանական Չեշիր կոմսության ոստիկանությունը հայտնել է Twitter-ի իր պաշտոնական էջում, հաղորդում է Lenta-ն:

Չարագործները գործում են արտասահմանում գրանցված հեռախոսային համարից: Նրանք ներկայանում են որպես ստացողի ընկեր՝ Օլիվիա անունով. նա խնդրում է գրանցել իր նոր բջջային համարը: Որպես ծանոթության ապացույց նրանք ուղարկում են լուսանկարի հղումը, որի վրա իբրեւ թե պատկերված են հասցեատիրոջ հետ միասին: Սակայն հղումը տանում է պոռնո էջ:

 «Հաղորդել ենք WhatsApp-ում անհանգստություն առաջացնող հաղորդագրությունների մասին, որոնք ուղարկվում են արտասահմանում գրանցված հեռախոսային համարից: Ուղարկողը նոր համարից գրող ընկեր է ձեւանում, բայց հետո պոռնոգրաֆիկ նկար է ուղարկում: Եթե ձեր երեխաներն օգտագործում են հավելվածը, խնդրում եմ խոսեք նրանց հետ եւ ստուգեք նրանց նամակագրությունը», — զգուշացրել են ոստիկանները: