Հայաստանյան ստարտափ Bluenero-ի սմարթ ակվարիումի արշավը Indiegogo–ում հասել է նպատակային պատվերների առավելագույն քանակին մի քանի ժամում։ Այն իր արդյունքով դարձել է Indiegogo-ի ռեկորդակիրներից, նպատակային պատվերների առավելագույն քանակի 40 տոկոսին հասնելով, մեկնարկումից ժամեր անց։

Արշավի էջում նշված է, որ Bluenero–ն աշխարհում միակ սմարթ ակվարիումն է, որը նախատեված է ինչպես ծովային, այնպես էլ քաղցրահամ ձկների պահման համար։ Այն իր ամբողջական սպեկտր ունեցող CREE LED շերտի շնորհիվ կատարյալ միջավայր է ստեղծում տարատեսակ ջրային բույսերի և մարջանների համար։ Ներկառուցված HD տեսախցիկով ակվարիումն օգտագործողը հնարավորություն է ունի հետևելու ձկներին աշխարհի ցանկացած վայրում, որըեղ ինտերնետ կա։ Ըստ էության Bluenero-ն ձկնապահության համար նախագծված ճշգրիտ սարք է, որում առկա ծրագիրը ճշգրտությամբ կերակրում ու խնամում է ձկներին՝, միայն անհրաժեշտ է ժամանակ առ ժամանակ թարմացնել կերի պահուստները։

«Մենք վերաստեղծել ենք ակվարիումը, մի կողմից նրան տալով դասական ու կոմպակտ դիզայն, իսկ մյուս կողմից ստեղծել ենք ամեն ինչը մեկում խելացի և ժամանակակից հատկություններով օժտված համակարգ։ Bluenero-ով ձկնապահները հնարավորություն ունեն հոգ տանել ձկների մասին իրենց սմարթֆոնի օգնությամբ, կերակրել նրանց, հետևել ձկնիկներին աշխատավայրից, կամ աշխարհի ցանկացած այլ կետից»,–ասում է Bluenero ստարտափի հիմնադիր, գործադիր տնօրեն Վահե Թումանյանը։

Indiegogo օգտատերերից և բոլոր ակվարիում, մարջաններ և ձկնիկներ, ինչպես նաև NatGeoWild  սիրող մարդկանց կողմից նախնական պատվերներ ստանալու նպատակով Bluenero-ն մեկնարկել է իր քարոզարշավը Սեպտեմբերի 4ին։  Թիմի նախնական նպատակն է ունենալ 25000$-ի պատվերներ, նրանք բավականին տպավորիչ նպատակներ են ներառել իրենց կոմնակիցների համար քարոզարշավի շրջանակներում։